मुंबई : आयसीसीने यावेळी एका खेळाडूवर तब्बल आठ वर्षांची बंदी घालण्याचा निर्णय घेतला आहे. क्रिकेट या खेळाच्या प्रतिमेला या खेळाडूने धक्का पोहोचवला होता. त्यामुळे त्याच्यावर ही मोठी कारवाई यावेळी आयसीसीने केली आहे. या आठ वर्षांच्या कडक शिक्षेमुळे आता कोणतेही क्रिकेटपटू खेळा्च्या प्रतिमेला धक्का पोहोचावणार नाहीत, अशी आशा चाहत्यांना आहे. खेळाडूंना आपल्या जाळ्यात ओढण्याचे काम श्रीलंकेचा माजी क्रिकेटपटू दिलहारा लोकुहेटिगेने ()केल्याचे आता निष्पन्न झाले आहे. त्याचबरोबर आयसीसीच्या भ्रष्टाचार विरोधी नियमांचे त्याने उल्लंघन केले आहे. त्यामुळे त्याच्यावर आता ही मोठी कारवाई आयसीसीने केल्याचे पाहायला मिळाले आहे. दिलहारावर ३ एप्रिल २०१९ या दिवशी निलंबनाची कारवाई करण्यात आली होती. कारण त्यावेळी त्यावरचे आरोप जे आहेत ते सिद्ध व्हायचे होते. त्यामुळे त्याच्यावर आरोप केल्यावर त्याच्यावर अस्थाइ निलंबन करण्याची कारवाई आयसीसीने केली होती. पण आता त्याच्यावर आठ वर्षांची बंदी घालण्याची मोठी कारवाई केली आहे. दिलहाराने टी-१० आणि ट्वेन्टी-२० सामन्यांमध्ये क्रिकेट या खेळाशी प्रतारणा केल्याचे पाहायला मिळाले होते. दिलहाराने यावेळी संयुक्त अमिराती क्रिकेट मंडळाचे तीन नियम मोडीत काढले होते. त्यावेळीच त्याच्यावर अमिराती क्रिकेट मंडळाने आरोप केले होते आणि त्यांची कारवाई अजूनही सुरु आहे. याबाबत आयसीसीने अधिकारी अॅलेक्स मार्शल यांनी सांगितले की, " आंतरराष्ट्रीय क्रिकेटमध्ये दिलहाराने श्रीलंकेचे प्रतिनिधीत्व केले होते. पण त्यानंतर त्याने भ्रष्टाचार विरोधी नियमांचे उल्लंघन केले आहे. दिलहारा यावेळी माहिती होते की, आपण नियमांचे उल्लंघन करत आहोत. पण तरीही तो ही गोष्ट करत गेला." आयसीसीने दिलहारावर मोठी कारवाई केली आहे. त्यामुळे आता कोणतेही क्रिकेटपटू अशी वाइट गोष्ट करायला धजावणार नाहीत. यापुढे क्रिकेट या खेळाच्या प्रितमेला धक्का लावणाऱ्या कोणत्याही व्यक्तीवर कडक कारवाई करण्यात येईल, असे आयसीसीने यावेळी दाखवून दिले आहे. आयसीसीने काही दिवसांपूर्वी झिम्बाब्वेचा माजी कर्णधार हिथ स्ट्रीकवरही आठ वर्षांत्या बंदीची कारवाई केली होती.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3syTgKG
No comments:
Post a Comment