मुंबई : पहिल्याच सामन्यात महेंद्रसिंग धोनीच्या नेतृत्वाखालील चेन्नई सुपर किंग्सला पराभवाचा धक्का बसला. कारण दिल्ली कॅपिटल्सच्या सलामीवीरांनी यावेळी शतकी भागीदारी रचत दिल्लीला सहजपणे विजय मिळवून दिला. या विजयासह दिल्लीच्या संघाने विजयी सलामी देत दोन गुणांची कमाई केली आहे. दिल्लीने यावेळी सात विकेट्स राखत चेन्नईवर सहज विजय साकारला. चेन्नईच्या १८९ धावांच्या आव्हानाचा पाठलाग करताना दिल्लीचे पृथ्वी शॉ आणि शिखर धवन यांनी धडाकेबाज फलंदाजी केली. पृथ्वी आणि शिखर यांनी यावेळी १३८ धावांची सलामी दिली आणि संघाच्या विजयाचा पाया रचला. यावेळी शिखरपेक्षा पृथ्वी जास्त आक्रमकपणे फटकेबाजी करत होता. पृथ्वीने यावेळी चौकारासह आपले अर्धशतकही साकारले. पण मोठा फटका मारण्याच्या नादाच पृथ्वी बाद झाला. पृथ्वीने यावेळी ९ चौकार आणि तीन षटकारांचा जोरावर ७२ धावांची दमदार खेळी साकारली. पृथ्वी बाद झाल्यावर दिल्लीचा कर्णधार रिषभ पंत फलंदाजीला आला. त्यानंतर धवन आणि पंत यांची जोडी जमली. धवन यावेळी अखेपर्यंत फलंदाजी करत विजयावर शिक्कामोर्तब करेल, असे वाटले होते. पण शार्दुल ठाकुरने धवनला पायचीत पकडले आणि दिल्लीला दुसरा धक्का दिला. धवनने यावेळी १० चौकार आणि दोन षटकारांच्या जोरावर ८५ धावा केल्या. दिल्ली कॅपिटल्सने यावेळी नाणफेक जिंकली आणि चेन्नईला प्रथम फलंदाजी करण्यासाठी पाचारण केले. ऋतुराज आणि फॅफ हे दोघेही सलामीवीर स्वस्तात बाद झाल्यावर मात्र सुरेश रैना फलंदाजीला आला आणि त्यानंतर चेन्नईची धावगती चांगलीच वाढायला लागली. रैनाने यावेळी सुरुवातीला मोइन अलीबरोबर चांगली भागीदारी रचली. मोइननेही यावेळी चांगले फटकेबाजी करत २४ चेंडूंत ३६ धावांची भर घातली. या दोघांनी तिसऱ्या विकेटसाठी यावेळी ५३ धावांची भागीदारी रचली. रैनाने यावेळी षटकार फटकावत आपले अर्धशतकही यावेळी साजरे केले. पण अर्धशतक झळकावल्यावर रैनाला मात्र मोठी खेळी साकारता आली नाही. कारण जडेजाबरोबर खेळत असताना रैना रनआऊट झाला. पण बाद होण्यापूर्वी रैनाने यावेळी ३६ चेंडूंत तीन चौकार आणि चार षटकारांच्या जोरावर ५४ धावा केल्या. पुनरागमन कसे करायचे याचा उत्तम वस्तुपाठ यावेळी सुरेश रैनाने दाखवून दिला. रैनाने यावेळी दिल्ली कॅपिटल्सच्या गोलंदाजीवर जोरदार प्रहार करत आपले अर्धशतकी साकारले. त्याचबरोबर अखेरच्या षटकांमध्ये सॅम करन आणि रवींद्र जडेजा यांनी तुफानी फटकबाजी करत संघाला धावांचा १८८ धावांचा डोंगर उभारून दिला.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2OH53ca
No comments:
Post a Comment