चेन्नई : मुंबई इंडिन्सचा संघ आज चौथा सामान खेळण्यासाठी मैदानात उतरणार आहे. हा सामना जिंकल्यावर मुंबई इंडियन्सचा संघ हा अव्वल स्थानावर विराजमान होऊ शकतो. त्यामुळे आजच्या संघात मुंबई इंडिय्सचा संघ एक मोठा बदल करू शकतो. मुंबई इंडियन्सचा संघ चौथा सामना चेपॉकच्या खेळपट्टीवर खेळत आहे. त्यामुळे या खेळपट्टीवर फिरकी गोलंदाजांना मदत मिळते, हे आतापर्यंत आपण पाहिलेले आहे. त्याचबरोर मुंबईची मधली फळी आतापर्यंत चांगली कामगिरी करु शकलेली नाही. त्यामुळे या दोन्ही गोष्टींवर मात करण्यासाठी मुंबई इंडियन्सच्या संघात एक अष्टपैलू खेळाडू येऊ शकतो. आजच्या सामन्यात मुंबई इंडियन्सच्या संघात जयंत यादवला संधी मिळू शकते, असे दिसत आहे. जयंत हा एक चांगली फलंदाज आहे. त्याचबरोबर तो फिरकी गोलंदाजीही करतो, त्यामुळे दिल्ली कॅपिटल्सविरुद्धच्या सामन्यात जयंतला नक्कीच संधी मिळू शकते. त्यामुळे आता मुंबई इंडियन्सच्या संघात राहुल चहर, कृणाल पंड्या आणि जयंत यादव, असे तीन फिरकीपटू आपल्याला दिसू शकतात. जयंत यादवला जर संधी द्यायची असेल तर कोणत्या खेळाडूला मुंबई इंडियन्सचा संघ डच्चू देणार, याचा विचारही करण्यात आलेला आहे. जयंतला जर संधी द्यायची असेल तर अॅडम मिल्नेला यावेळी मुंबई इंडियन्सचा संघ विश्रांती देऊ शकतो. कारण गेल्या सामन्यात मिल्नेला खेळवण्यात आले होते. पण सनरायझर्स हैदराबादविरुद्धच्या सामन्यात त्याला चांगली गोलंदाजी करता आली नव्हती. त्याने गेल्या सामन्यात तीन षटकांमध्ये ३३ धावा दिल्या होत्या. त्यामुळे त्याला आजच्या सामन्यात विश्रांती देण्याचा निर्णय मुंबई इंडियन्सचा संघ घेऊ शकतो. मुंबई इंडियन्ससाठी ही गोष्ट ठरतेय डोकेदुखी... तिन्ही सामन्यांमध्ये इशान आणि हार्दिक यांना मोठी खेळी साकारता आलेली नाही. हार्दिक हा अष्टपैलू खेळाडू आहे, पण तो अजूनही गोलंदाजी करताना दिसत नाही. त्यामुळे मुंबई इंडियन्सची चिंता वाढेलली असेल. कारण आतापर्यंत मुंबई इंडियन्सच्या मधल्या फळीला हवी तशी कामगिरी करता आलेली नाही. त्यामुळे इशान आणि हार्दिक हे आज कशी फलंदाजी करता, हे पाहणे महत्वाचे असेल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3gtpHb4
No comments:
Post a Comment