Ads

Tuesday, April 20, 2021

IPL 2021 : मुंबई इंडियन्सची चिंता वाढली, हे दोन खेळाडू ठरत आहेत अजूनही अपयशी....

चेन्नई : मुंबई इंडियन्सचा () संघ सध्या चांगल्या फॉर्मात आहे. आतापर्यंत सलग दोन सामने त्यांनी जिंकले आहेत आणि आज ते विजयाची हॅट्रिकही साजरी करू शकतात. पण सध्याच्या घडीला मुंबईचे दोन खेळाडू अपयशी ठरताना दिसत आहेत. त्यामुळे त्यांना आता आपली चुक सुधारण्याची गरज आहे. आतापर्यंत मुंबईने जे दोन विजय मिळवले आहेत, त्यामध्ये गोलंदाजांनी चमकदार कामगिरी केली आहे. पण मुंबई इंडियन्सच्या फलंदाजीला मात्र हवा तसा सूर गवसलेला नाही. मुंबई इंडियन्सच्या संघातील दोन खेळाडू सध्याच्या घडीला अपयशी ठरत आहे. आतापर्यंत इशान किशन आणि हार्दिक पंड्या यांना चांगली फलंदाजी करता आलेली नाही. त्यामुळे आता त्यांना ही चुक सुधारावी लागणार आहे. आतापर्यंतच्या तिन्ही सामन्यांमध्ये इशान आणि हार्दिक यांना मोठी खेळी साकारता आलेली नाही. हार्दिक हा अष्टपैलू खेळाडू आहे, पण तो अजूनही गोलंदाजी करताना दिसत नाही. त्यामुळे मुंबई इंडियन्सची चिंता वाढेलली असेल. कारण आतापर्यंत मुंबई इंडियन्सच्या मधल्या फळीला हवी तशी कामगिरी करता आलेली नाही. सनरायझर्स हैदराबादविरुद्धच्या सामन्यात कायरन पोलार्डने चांगली फलंदाजी केली होती. पण इशान, हार्दिक आणि कृणाल पंड्या हे अपयशी ठरले होते. आतापर्यंत कृणाल पंड्यालाही चांगली फलंदाजी करता आलेली नाही. पण तो गोलंदाजीमध्ये ही कसर काही प्रमाणात भरुन काढताना दिसत आहे. पण फलंदाजीमध्ये मात्र त्याला अजूनही सूर गवसलेला नाही. कर्णधार रोहित शर्मालाही अजून मोठी खेळी साकारता आलेली नाही. त्यामुळे रोहित लौकिकाला साजेशी मोठी खेळी कधी साकारणार, याची उत्सुकताही चाहत्यांना नक्कीच असेल. सूर्यकुमार यादव वगळता मुंबईच्या एकाही फलंदाजाला चांगली कामगिरी करता आली नाही. गेल्या सामन्यात क्विंटन डी कॉकने ४० धावा केल्या पण त्यासाठी ३९ चेंडू घेतले. रोहित शर्माने ३२ धावा केल्या. इशान किशन, हार्दिक पंड्या यांना धावा करता आल्या नाहीत. कायरन पोलार्ड फॉर्ममध्ये परत येतोय ही मुंबईसाठी चांगली गोष्ट आहे. त्याने २२ चेंडूत ३५ धावा केल्या आणि संघाला १५० पर्यंत पोहोचवले होते. मुंबई इंडियन्सला अजूनही १६०च्या पुढे धावा करता आलेल्या नाहीत. त्यामुळे मुंबई इंडियन्ससाठी नक्कीच ही एक चिंतेची बाब असेल. त्यामुळे आजच्या दिल्ली कॅपिटल्सविरुद्धच्या सामन्यात मुंबईचा संघ किती धावा करतो, याकडे सर्वांचे लक्ष असेल.


from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/32ynRO5

No comments:

Post a Comment

BJP’s Rajya Sabha strength falls below 100; may rise soon

A month after touching the mark of 100 seats for the first time in Rajya Sabha, BJP’s numerical strength has come down to 95 as five of its ...