मुंबई : आयपीएलला अजून सुरुवातही झालेली नाही. पण त्याचपूर्वी शाहरुख खानच्या कोलकाता नाइट रायडर्स संघाला आता एक मोठा धक्का बसला आहे. कारण संघाचा एक महत्वाचा खेळाडू आता आयपीएलमध्ये खेळणार नसल्याचे स्पष्ट झाले आहे. यंदाच्या आयपीएलमध्ये केकेआरचा रिंकू सिंग खेळणार नसल्याचे आता स्पष्ट झाले आहे. कारण रिंकू सिंगला आता दुखापत झाली असून तो या आयपीएलमध्ये खेळणार नसल्याचे आता स्पष्ट झाले आहे. केकेआरच्या संघाने आता रिंकूच्या जाही गुरकिरत सिंगला आपल्या संघात सामील करुन घेतले आहे. रविवारी केकेआरच्या संघाने याबाबतची अधिकृत माहिती दिली आहे. केकेआरने याबाबतचे ट्विट करत ही माहिती दिली आहे. गुरकिरत हा यापूर्वी विराट कोहलीच्या नेतृत्वाखालील आरसीबीच्या संघाकडून खेळत होता. पण आरसीबीने त्याला रिटेन केले नव्हते. त्यामुळे फेब्रुवारी महिन्यात झालेल्या आयपीएलच्या लिलावात त्याला सहभागी करण्यात आले होते. यावेळी ५० लाख एवढी गुरकिरतची बेस प्राइज ठेवण्यात आली होती. त्यावेळी गुरकिरतला कोणीली वाली मिळाला नव्हता. पण आता रिंकू दुखापतग्रस्त झाल्याने आयपीएल खेळू शकणार नाही. त्यामुळे त्याच्या जागी आता गुरकिरतला केकेआरने संधी दिली आहे. गुरकिरत हा आयपीएलमधील आठवा मोसम खेळत आहे. आतापर्यंत त्याने आयपीएलमध्ये एकूण ४१ सामने खेळले आहेत. या सामन्यांमध्ये १२१च्या स्ट्राइक रेटने ५११ धावा केल्या आहेत. यापूर्वी सनरायझर्स हैदराबादच्या मिचेल मार्शनेही आयपीएलमधून माघार घेतली होती, त्याच्या जागी आता इंग्लंडचा सलामीवीर जेसन रॉयला संधी देण्यात आली आहे. त्याचबरोबर चेन्नई सुपर किंग्सकडून यावेळी जोश हेझवूडही खेळणार नसल्याचे पुढे आले आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3sOssqJ
No comments:
Post a Comment