Ads

Sunday, April 4, 2021

IPL 2021 : विराट कोहलीची चिंता वाढली, आरसीबीच्या महत्वाच्या खेळाडूला झाला करोना

मुंबई : आयपीएल सुरु होण्यापूर्वीच कर्णधार विराट कोहलीची चिंता आता वाढेलली आहे. कारण आरसीबीच्या संघातील एका महत्वाच्या खेळाडूला आता करोना झाला आहे. त्यामुळे आरसबीच्या सलामीच्या लढतीत आता कोणाला खेळवायचे, हा प्रश्न विराटसमोर असेल. गेल्यावर्षीच्या आयपीएलमध्ये धावांचा वर्षाव करणारा युवा सलामीवीर देवदत्त पडीक्कल करोना पॉझिटीव्ह झाल्याचे आता समोर आले आहे. त्यामुळे आरसीबीच्या सर्व खेळाडूंना आता क्वारंटाइन करण्यात आहे. त्याचबरोबर आता सर्व खेळाडूंची करोना चाचणीही करण्यात येणार आहे. आरसीबीचा पहिला सामना ९ एप्रिलला मुंबई इंडियन्सबरोबर होणार आहे. त्यामुळे आता या सामन्यात पडीक्कलऐवजी कोणत्या खेळाडूला सलामीला आणायचे, हा मोठा प्रश्न आता आरसीबीच्या संघापुढे नक्कीच असेल. पडीक्कल करोना पॉझिटीव्ह आल्यानंतर आरसीबीच्या संघाकडून अजून कोणतीही माहिती पुढे आलेली नाही. त्यामुळे करोनाच्या चाचणीचा अहवाल पाहिला तर पडीक्कल आता सलामीच्या लढतीत खेळू शकणार नाही, हे जवळपास स्पष्ट झाले आहे. त्याचबरोबर आता अन्य खेळाडूंच्याही करोना चाचण्या होणार आहेत. या चाचणीमध्ये निगेटीव्ह असलेल्या खेळाडूंनाच आता आयपीएल खेळता येणार आहे. वानखेडे स्टेडियमवरील १० कर्मचाऱ्यांना करोनाची लागण झाल्यानंतर एकच खळबळ उडाली होती. येत्या १० एप्रिल रोजी याच मैदानावर स्पर्धेतील दुसरी लढत होणार आहे. मुंबईतील वानखेडे स्टेडियमवरील कर्मचाऱ्यांना करोनाची लागण झाल्याचे वृत्त आल्या पाठोपाठ या स्पर्धेशी संबंधित इव्हेट मॅनेजमेंटशी संबंधिक सहा जणांना करोना झाल्याचे समोर आले. ही गोष्ट झाली फक्त स्टाफ संदर्भातील. पण या शिवाय कोलकाता नाइट रायडर्स संघातील फलंदाज नितीश राणा (आता नेगेटिव्ह), आज (शनिवारी) दिल्ली कॅपिटल्सचा ऑलराउंडर अक्षर पटेल आणि चेन्नई सुपर किंग्जचा एका सदस्याला करोना झाल्याचे समोर आले आहे. करोना झालेले इतके लोक आढळल्यानंतर आयपीएलशी संबंधित लागण झालेल्यांची संख्या १९ वर गेली आहे. स्पर्धा सुरू होण्याआधीच गेल्या वर्षीचे उपविजेते दिल्ली कॅपिटल्सला मोठा धक्का बसला. संघातील ऑलराउंडर अक्षर पटेलला करोनाची लागण झाली. दिल्लीचा कर्णधार श्रेयस अय्यर दुखापतीमुळे स्पर्धेबाहेर झाला असताना त्यांना हा दुसरा झटका बसला. दुसऱ्या बाजूला चेन्नई संघातील एका खेळाडूला करोना झाल्याचे वृत्त क्रिकबझने दिले आहे. या खेळाडूचे नाव अद्याप समोर आले नाही.


from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2R16tPn

No comments:

Post a Comment

BJP’s Rajya Sabha strength falls below 100; may rise soon

A month after touching the mark of 100 seats for the first time in Rajya Sabha, BJP’s numerical strength has come down to 95 as five of its ...