चेन्नई : कर्णधार महेंद्रसिंग धोनी आता पुन्हा एकदा चांगल्या फॉर्ममध्ये आल्याचे पाहायला मिळत आहे. कारण धोनीन सराव करताना षटकारांची बरसात केली आहे. त्यामुळे आता जुना धोनी पुन्हा एकदा पाहायला मिळत असल्याचे चाहत्यांनी म्हणायला सुरुवात केली आहे. धोनीच्या षटकारांचा हा खास व्हिडीओ आता चांगलाच व्हायरल झाल्याचे पाहायला मिळत आहे. वानखेडे स्टेडियमवर चेन्नई सुपर किंग्स आणि दिल्ली कॅपिटल्स यांच्यामध्ये आयपीएलचा सामना रंगणार आहे. हा दोन्ही संघांच्या यंदाच्या आयपीएलमधील पहिलाच सामना असणार आहे. पण या सामन्यापूर्वीच धोनी चांगलाच फॉर्ममध्ये आल्याचे पाहायला मिळत आहे. कारण धोनीने सराव करत असताना प्रत्येक गोलंदाजावर प्रहार केल्याचे पाहायला मिळाले आहे. त्याचबरोबर धोनीने सराव करताना उत्तुंग षटकार लगावल्याचेही पाहायला मिळाले आहे. त्यामुळे धोनी यावेळी आयपीएलमध्ये धमाल करणार असल्याचे संकेत यावेळी मिळाले आहेत. धोनी आणि चेन्नई सुपर किंग्ससाठी गेल्यावर्षीची आयपीएल स्पर्धा चांगली गेली नव्हती. गेल्यावर्षई चेन्नईचा संघ स्पर्धेबाहर सर्वात प्रथम पडला होता. आतापर्यंत आयपीएलच्या इतिहासामध्ये अशी वेळ चेन्नईच्या संघावर कधीही आली नव्हती. पण यावर्षी मात्र चेन्नईने चांगलीच कंबर कसलेली आहे. त्याचबरोबर चेन्नईचा संघ मुंबईत कसून सराव करत असून यावेळी त्यांचे खेळाडू चांगल्या फॉर्मात असल्याचे पाहायला मिळत आहे. त्यामुळे यावर्षी चेन्नईचा संघ जेतेपद पटकावणार का, याची उत्सुकता सर्वांनाच असेल. चेन्नईच्या संघातून खेळण्यासाठी दोन खेळाडूंचा नकारयावर्षी वेगवान गोलंदाज जोश हेझलवूड खेळणार नसल्याचे समजल्यावर चेन्नईच्या संघाने सर्वप्रथम ऑस्ट्रेलियाचा वेगवान गोलंदाज बिली स्टनलेकपुढे प्रस्ताव ठेवला होता. पण स्टॅनलेकने चेन्नईच्या संघाचा हा प्रस्ताव मान्य केला नाही. त्यानंतर चेन्नईच्या संघाने इंग्लंडचा वेगवान गोलंदाज रीस टॉपलेशी संपर्क साधला आणि त्याला संघात येण्याबाबत विचारणा केली होती. पण टॉपलेनेदेखील चेन्नईच्या संघाला नकार दिला आहे. या दोघांनीही करोनाचे कारण पुढे केले असल्याचे समजते आहे. करोना भारतामध्ये आता वाढत असल्यामुळे त्यांनी आयपीएल खेळण्यास नकार दिला आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3usG1g9
No comments:
Post a Comment