Ads

Thursday, April 8, 2021

IPL 2021 MI vs RCB: उद्या पहिली मॅच; मुंबई इंडियन्सच्या या पाच खेळाडूंवर सर्वांची नजर, रोखणे अशक्य

चेन्नई : आयपीएलच्या १४व्या हंगामाला शुक्रवारपासून सुरूवात होत आहे. हा आयपीएलमधील सर्वात संघ असून त्यांनी पाच वेळा विजेतेपद मिळवले आहे. या संघात अनेक असे खेळाडू आहेत जे एकहाती सामना जिंकून देऊ शकतात. मुंबईची पहिली लढत विराट कोहलीच्या नेतृत्वाखालील रॉयल चॅलेंजर्स बेंगळुरू ()विरुद्ध होणार आहे. जाणून घेऊयात संघातील असे पाच खेळाडू जे कधीही सामना फिरवू शकतात. वाचा- पॉवर प्ले आणि डेथ ओव्हरमधील किंग यॉर्कर स्पेशालिस्ट जलद गोलंदाज जसप्रीत बुमराहने २०१९ आणि २०२० मध्ये मुंबईकडून सर्वाधिक विकेट घेतल्या आहेत. मुंबईला विजेतेपद मिळवून देण्यात या खेळाडूची महत्त्वाची भूमिका आहे. गेल्या वर्षी बुमराहने १५ सामन्यात २७ विकेट घेतल्या होत्या. तो लीगमधील दुसऱ्या क्रमांकाचा यशस्वी गोलंदाज होता. २०१९ साली त्याने १९ विकेट घेतल्या होत्या. त्याची सरासरी अनुक्रमे ६.७३ आणि ६.६३ अशी होती. पॉवरप्ले आणि डेथ ओव्हर्समध्ये तो सर्वोत्तम गोलंदाजीसाठी प्रसिद्ध आहे. वाचा- मोठ्या सामन्यातील स्टार युएईमध्ये झालेल्या आयपीएल २०२० मध्ये न्यूझीलंडचा जलद गोलंदाज ट्रेंट बोल्ट सर्वाधिक विकेट घेणाऱ्या यादीत तिसऱ्या क्रमांकावर होता. त्याने १५ सामन्यात २५ विकेट घेतल्या होत्या. त्याचा स्ट्राइक रे १३.७५ इतका होता. नव्या चेंडूने विकेट घेण्यात बोल्टचा हात कोणी धरू शकत नाही. त्याने चेन्नई सुपर किंग्जविरुद्ध १८ धावा देत ४ विकेट घेतल्या होत्या. दिल्लीविरुद्धच्या सामन्यात देखील बोल्टची गोलंदाजी धमाकेदार होती. त्याने चार षटकात २१ धावा देत ३ विकेट घेतल्या होत्या. वाचा- सलग तीन वर्ष धमाकेदार फलंदाजी करणारा सूर्यकुमार यादवने गेल्या ३ वर्षात मुंबई इंडियन्सकडून शानदार कामगिरी केली. २०१९ आणि २०२० मध्ये मुंबईने मिळवलेल्या विजयात सूर्यकुमारने महत्त्वाचे योगदान दिले होते. २०१८ साली त्याने १३३च्या स्ट्राइक रेटने ५१२ धावा, २०१९ साली ४२४ तर गेल्या वर्षी ४८० धावा केल्या होत्या. गेल्या तीन हंगामात त्याने १ हजार ४१६ धावा केल्या. वाचा- एक्स फॅक्टर आहे हार्दिक पंड्या मुंबई इंडियन्स संघाचा एक्स फॅक्टर आहे हार्दिक पंड्या. लोअर ऑर्डरमध्ये हार्दिक वेगाने धावा करतो. २०१९ साली ४०२ धावा केल्या होत्या. १६ सामन्यात त्याने १९१ च्या स्ट्रइक रेटने धावा केल्या. तर गेल्या वर्षी त्याने १७९ च्या स्ट्रइर रेटने २८१ धावा केल्या होत्या. फलंदाजीशिवाय पंड्या गोलंदाजी करू शकतो. चौकार आणि षटकाराने धावा करणारा पोलार्ड वेस्ट इंडिजचा धमाकेदार फलंदाज कायरन पोलार्ड टी-२० मधील सर्वोत्तम फलंदाज आहे. पोलार्ड एक आणि दोन धावा करण्यापेक्षा चौकार आणि षटकाराने धावा करण्यावर भर देतो. २०२० मध्ये त्याने १९१ च्या स्ट्राइक रेटने २६८ धावा तर २०१९ मध्ये पंजाब किंग्ज विरुद्ध ३१ चेंडूत ८३ धावा केल्या होत्या. पोलार्ड गोलंदाजी देखील करतो. त्याच्या अनुभवाचा फायदा मुंबई संघाला पुरेपुर मिळतो.


from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3mtTUI4

No comments:

Post a Comment

BJP’s Rajya Sabha strength falls below 100; may rise soon

A month after touching the mark of 100 seats for the first time in Rajya Sabha, BJP’s numerical strength has come down to 95 as five of its ...