जोहान्सबर्ग: दक्षिण आफ्रिका आणि पाकिस्तान यांच्यात रविवारी जोहान्सबर्ग येथे झालेल्या दुसऱ्या वनडे सामन्यात एक अजब घटना घडली. पाकिस्तान संघाचा फलंदाज '' मुळे धावबाद झाला. फखर १९३ धावांवर बाद झाल्याने त्याचे द्विशतक सात धावांनी हुकले. दुसऱ्या वनडेत दक्षिण आफ्रिकेने प्रथम फलंदाजी करताना ३४१ धावा केल्या होत्या. फखरने शानदार फलंदाजी केली. अखेरच्या षटकात पाकिस्तानला विजयासाठी ३१ धावांनी गरज होती. लक्ष्य मिळवणे जवळ जवळ अशक्य होते. पण तरी फखरने लढा दिला. वाचा- आफ्रिकेविरुद्धच्या दुसऱ्या वनडेत फखर द्विशतकाच्या जवळ पोहोचला होता. अखेरच्या ओव्हरमधील पहिल्या चेंडूवर त्याने शॉट मारला आणि पहिली धाव पूर्ण केली. दुसरी धाव देखील त्याने जवळ जवळ पूर्ण केली होती. पण असे काही झाले की तो बाद झाला. लुंगी एगिडीच्या चेंडूवर फखरने लॉन्ग ऑफला शॉट मारला. फखरने पहिली धाव वेगाने घेतली. दुसरी धाव देखील जवळ जवळ पूर्ण केली होती. पण तो एडम मार्करमच्या शानदार थ्रोवर धावबाद झाला. फखर दुसरी धाव घेताना डी कॉकने फिल्डर एडमला नॉन स्ट्रायकर दिशेला थ्रो करण्यास इशारा केला. त्या दिशेने हरिस रऊफ धावत होता. डी कॉकचा इशारा पाहून फखर धावण्याचा वेग कमी केला. त्याला वाटले फिल्डर नॉन स्ट्रायकर दिशेला थ्रो करणार आहे. पण एडमने थ्रो फखर ज्या दिशेने धावत होतो त्या बाजूला केला. जोपर्यंत फखर क्रिझमध्ये पोहोचेल तोपर्यंत चेंडू विकेटला लागला होता. वाचा- डी कॉकने ज्या पद्धतीने चालाखीने फखरला बाद केले, त्यावर सोशल मीडियावर जोरदार टीका होत आहे. ही गोष्ट खेळ भावनेच्या विरुद्ध असल्याचे अनेक जण म्हणत आहे. अनेकांनी आफ्रिकेला दंड करण्याची मागणी केली आहे. या पाश्वभूमीवर जाणून घेऊयात काय आहेत आयसीसीचे फेक फिल्डिंग संदर्भातील नियम... वाचा- आयसीसीच्या नियम ४१.५ मध्ये फेक फिल्डिगचा उल्लेख केला आहे. या नियमानुसार कोणत्याही फिल्डरने जाणिवपूर्वीक, शब्द अथवा कृतीने चेंडू खेळल्यानंतर कोणत्याही फलंदाजाचे लक्ष विचलीत केले, अडथळा निर्माण केला तर ती कृती फेक फिल्डिंग समजली जाईल. नियम ४१.५.२ नुसार मैदानावरील ही कृती फेक फिल्डिंग आहे की नाही ठरवण्याची जबाबदारी दोन्ही अंपायर्सची असते. जर अंपायरला वाटले की ही कृती चुकीची आहे तर ते बाद झालेल्या फलंदाजाला नाबाद ठरवू शकतात. तसेच बॉल डेड ठरवला जाऊ शकतो. त्याच्या सोबत फलंदाजी करणाऱ्या संघाला पाच धावा दिल्या जातील. इतक नव्हे तर त्या चेंडूवर झालेल्या धावा देखील प्रतिस्पर्धी संघाला मिळतील. आयसीसीचा हा नियम मैदानावरील अंपयरने लागू केला असता तर पाकिस्तानला अखेरच्या पाच चेंडूवर २४ धावांची गरज असती आणि फखर जमा फलंदाजी करू शकला असता. त्या परिस्थितीत कदाचित त्याने द्विशतक झळकावले असते. सोशल मीडियावर क्रिकेट चाहत्यांच्या प्रतिक्रिया...
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3cOvKEN
No comments:
Post a Comment