मुंबई: आयपीएलमधील सर्वात जास्त फॅन फॉलोअर्स असलेला संघ या वर्षी पहिली मॅच १० एप्रिल रोजी मुंबईतील वानखेडे मैदानावर खेळणार आहे. चेन्नईची पहिली लढत गतउपविजेत्या दिल्ली कॅपिटल्स विरुद्ध होईल. गेल्या वर्षीची खराब कामगिरी विसरून चेन्नई काही नव्या खेळाडूंसह धमाकेदार कामगिरी करण्यासाठी सज्ज झाला आहे. वाचा- या वर्षीची झालेल्या लिलावात चेन्नईने इंग्लंडचा फिरकीपटू मोइन अलीला आपल्या ताफ्यात घेतले आहे. हा खेळाडू आता आयपीएल सुरू होण्याआधी चर्चेत आला आहे. वाचा- काय आहे... चेन्नई सुपर किंग्जच्या जर्सीवर एका मद्य विक्री करणाऱ्या कंपनीचा लोगो आहे. मोइन अलीने संघ व्यवस्थापनाला विनंती केली आहे की, त्याच्या जर्सीवरील या कंपनीचा लोगो काढून टाकावा. मुस्लीम आहे आणि हा धर्मा मद्य सेवन करण्यास परवानगी देत नाही. त्यामुळेच त्याने मद्य विक्री करणाऱ्या कंपनीचा लोगो जर्सीवर नको असे म्हटले आहे. वाचा- मोइन अली इंग्लंड किंवा अन्य कोणत्याही देशांतर्गत संघाकडून खेळताना देखील मद्य विक्री करणाऱ्या कंपनीचे समर्थन करत नाही. तो जगभरातील विविध स्पर्धेतून खेळत असतो. पण मद्याच्या कंपनीचे कधीच प्रमोशन करत नाही. आयपीएलमध्ये सीएसकेच्या जर्सीवर देखील SNJ 10000 चा लोगो आहे. चेन्नईमधील SNJ डिस्टिलरीज या कंपनीचा हा लोगो आहे. चेन्नई संघाने अलीची विनंतीमान्य केली असून त्याच्या जर्सीवर हा लोगो असणार नाही. त्यामुळे चेन्नईच्या अन्य खेळाडूंपेक्षा अलीची जर्सी थोडी वेगळी दिसणार आहे. वाचा- या वर्षी फेब्रुवारीमध्ये झालेल्या आयपीएल लिलावात सीएसकेने अलीला ७ कोटी रुपयांना विकत घेतले होते. त्याने १९ सामन्यात ३०९ धावा आणि १० विकेट घेतल्या आहेत.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3unZ3nP
No comments:
Post a Comment