मुंबई : कर्णधार विराट कोहलीची चिंता आता वाढलेली आहे. कारण आरसीबीच्या संघातील दुसरा खेळाडू आता करोना पॉझिटीव्ह सापडला आहे. सलामीवीर देवदत्त पडीक्कलनंतर आता आरसीबीचा हा दुसरा खेळाडू करोना पॉझिटीव्ह असल्याचे समोर आले असून संघाची चिंता आता वाढेलली आहे. आरसीबीच्या संघातील सलामीवीर देवदत्त पडीक्कल हा करोना पॉझिटीव्ह सापडला होता. त्यानंतर आता आरसीबीच्या संघातील डॅनियल सॅम्स हा खेळाडू करोना पॉझिटीव्ह सापडला आहे. डॅनियलची ३ एप्रिलला करोना चाचणी घेण्यात आली होती. त्यावेळी तो निगेटीव्ह होता. पण ७ एप्रिलला पुन्हा एकदा त्याची करोनाची दुसरी चाचणी करण्यात आली. या चाचणीमध्ये डॅनियल हा करोना पॉझिटीव्ह सापडला आहे. त्यामुळे आरसीबीच्या संघाची चिंता आता वाढलेली आहे. आरसीबीच्या संघाचा पहिला सामना ९ एप्रिलला मुंबई इंडियन्सबरोबर होणार आहे. या पहिल्या सामन्यापूर्वीच आरसीबीच्या संघाला हे दोन धक्के बसलेले आहेत. आयपीएलमध्ये आतापर्यंत नितीष राणा, अक्षर पटेल, देवदत्त पडीक्कल आणि आता डॅनियल यांना करोनाची बाधा झालेली आहे. त्याचबरोबर मंगळवारी मुंबई इंडियन्सचे सहाय्यक प्रशिक्षक किरण मोरे यांनाही करोना झाल्याचे पाहायला मिळाले होते. त्याचबरोबर वानखेडे स्टेडियममध्ये काम करणाऱ्या कर्मचाऱ्यांनाही करोना झाल्याचे पाहायला मिळाले आहे. त्यामुळे आयपीएलवरचे करोनाचे ढग आता गढद होत असल्याचे पाहायला मिळाले आहे. आयपीएल सुरु होण्यापूर्वीच २०पेक्षा जास्त जणांना करोनाची बाधा झाल्याचे आता समोर आले आहे. त्यामुळे आयपीएल सुरु झाल्यावर नेमकं काय होणार, याची चिंता चाहत्यांना सतावत आहे. आरसीबीने यावेळी डॅनियलबाबत ट्विट करत माहिती दिली आहे. या ट्विटमध्ये त्यांनी सांगितले आहे की, " चेन्नईतील हॉटेलमध्ये डॅनियलची पहिली करोना चाचणी ३ एप्रिलला घेण्यात आली होती. त्यावेळी डॅनियलच्या करोना चाचणीचा अहवाल हा निगेटीव्ह आला होता. त्यानंतर ७ एप्रिलला डॅनियलची दुसरी करोना चाचणी करण्यात आली असून त्याचा अहवाल पॉझिटीव्ह आला आहे. त्यामुळे आता डॅनियलला विलगीकरणामध्ये ठेवण्यात आले आहे आणि त्याच्या प्रकृतीची काळजी घेतली जात आहे."
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3wwXPIF
No comments:
Post a Comment