चेन्नई : आजच्या सामन्यात मुंबई इंडियन्सचा कर्णधार रोहित शर्मा हा क्षेत्ररक्षण करताना दिसला नाही. त्यावेळी कायरन पोलार्ड हा संघाचे नेतृत्व करत असल्याचे पाहायला मिळाले. रोहित यावेळी क्षेत्ररक्षण करण्यासाठी का आला नाही, याचे कारण त्यानेच यावेळी सांगितले आहे. मुंबई इंडियन्सच्या संघाला यावेळी क्षेत्ररक्षण करताना रोहित शर्माची उणीव जाणवली. पण पोलार्डही चांगले नेतृत्व करत असला तरी रोहित मैदानात दिसत नसल्यामुळे चाहते निराश झाले होते. पण सामना संपल्यावर रोहित शर्मा मैदानात आणि त्याला समालोचकांनी याबाबत प्रश्न विचारला होता. मैदानात क्षेत्ररक्षण करताना आपण का दिसलो नाही, याबाबत रोहितने यावेळी उत्तर दिले. रोहित म्हणाला की, " ही एक छोटीसी गोष्ट आहे, ती काही वेळातच व्यवस्थित होईल." रोहितला छोटी दुखापत झाल्याचे वाटत आहे, पण याबाबतचा अधिकृत खुलासा मुंबई इंडियन्सने केलेला नाही. त्यामुळे याबाबत कोणतेही ठोस वक्तव्य करता येणार नाही. या हंगामातील एका सामन्यात गोलंदाजी करताना रोहितला छोटीशी दुखापत झाली होती. या सामन्यात पहिला चेंडू टाकण्यापूर्वी रोहितचा पाय योग्य जागेवर पडला नव्हता आणि त्याला दुखापत झाली होती. त्यावेळी मुंबई इंडियन्सचे डॉक्टर मैदानात आले होते आणि त्यांनी रोहितवर उपचार केले होते. त्यानंतर रोहित फिट झाला होता आणि या सामन्यात त्याने एक षटकही टाकले होते. गेल्यावर्षीही एका सामन्यानंतर रोहितला दुखापत झाली होती आणि तो काही सामने खेळू शकला नव्हता. त्यावेळी पोलार्ड हा मुंबई इंडियन्सच्या संघाने हंगामी कर्णधारपद सांभाळत होता. त्यामुळे या हंगामातही रोहितला दुखापत झाली आहे का, याचा विचार चाहते करत आहेत. पण याबाबत कोणतीही स्पष्ट भूमिका संघ व्यवस्थापनाने व्यक्त केलेली नाही. त्यामुळे आगामी काही सामन्यांमध्ये ही गोष्ट स्पष्ट होऊ शकते. रोहित शर्माला या आयपीएलमध्ये दुखापत होऊ नये, अशी प्रार्थना आता मुंबई इंडियन्सचे चाहते नक्कीच करत असतील. कारण अजून बरेच दिवस आयपीेएल असली तरी प्रत्येक सामना हा महत्वाचा असतो.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3dxdZuf
No comments:
Post a Comment