मुंबई : दिल्ली कॅपिटल्सच्या संघाने अनुभवी फलंदाज अजिंक्य राहणेला पंजाब किंग्सविरुद्धच्या सामन्यात वगळले आणि सर्वांनाच धक्का बसला. कारण आतापर्यंत फक्त दोनच सामने झाले असून एवढ्या लवकर अजिंक्यला वगळण्याचा निर्णय दिल्लीने का घेतला, याचा अर्थ चाहते लावत आहेत. अजिंक्यच्या जागी संघात एका धडाकेबाज फलंदाजाला स्थान देण्यात आले आहे. अजिंक्यच्या जागी संघात ऑस्ट्रेलियाचा माजी कर्णधार स्टीव्हन स्मिथला संधी देण्यात आली आहे. त्याचबरोबर वेगवान गलंदाज लुकमन मेरिवाला आज दिल्लीच्या संघाकडून पदार्पण करणार आहे. त्याचबरोबर एनरिच नॉर्टजे यालाही आजच्या सामन्यात संधी न देण्याचा निर्णय दिल्लीच्या संघाने घेतला आहे. मेरिवालाने स्थानिक सामन्यांमध्ये चांगली कामगिरी केली होती. त्यामुळेच त्याला यावेळी दिल्लीच्या संघाने संधी दिली आहे. त्यामुळे दिल्लीची गोलंदाजी आजच्या सामन्यात नेमकी कशी होते, याकडे सर्वांचे लक्ष असेल. त्याचबरोबर दिल्लीचा संघ दुसरा विजय मिळवून गुणतालिकेत नेमका कोणता बदल करतो, याची उत्सुकताही चाहत्यांना असेल. कारण सध्याच्या घडीला गुणतालिकेत ते चौथ्या स्थानावर आहेत. पंजाबच्या संघात मुरुगन अश्विनच्या जागी जलाज सक्सेनाला संधी देण्यात आली आहे. कारण गेल्या काही सामन्यांमध्ये अश्विनला चांगली कामगिरी करता आली नव्हती. त्यामुळे त्याला वगळण्याचा निर्णय पंजाबच्या संघाने घेतला आहे. त्यामुळे गोलंदाजीतील हा बदल पंजाबसाठी किती महत्वाचा ठरतो, हे पाहणे महत्वाचे ठरणार आहे. त्याचबरोबर आजच्या सामन्यात विजयासह पंजाबचा संघ गुणतालिकेत कितवे स्थान पटकावतो, याची उत्सुकता त्यांच्या चाहत्यांना नक्कीच असेल. दिल्ली कॅपिटल्स आणि पंजाब किंग्स यांचा आज वानखेडे स्डेडियमवर सामना रंगणार आहे. आतापर्यंत दोन्ही संघांनी प्रत्येकी एक विजय मिळवला आहे. त्यामुळे गुणतालिकेत दिल्लीचा संघ चौथ्या स्थानावर आहे, तर पंजाबचा संघ यावेळी सातव्या स्थानावर आहे. दिल्ली कॅपिटल्स आणि पंजाब किंग्स या दोन्ही संघांना गेल्या सामन्यात पराभव पत्करावा लागला होता. त्यामुळे या सामन्यात विजयाच्या मार्गावर कोणता संघ परततो, याची उत्सुकता सर्वांनाच असेल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3su39JM
No comments:
Post a Comment