मुंबई : मुंबईमध्ये लॉकडाऊन (Lock down) लागणार की नाही, हे काही वेळातच स्पष्ट होणार आहे. कारण महाराष्ट्रात करोनाचे रुग्ण झपाट्याने वाढत आहेत. त्यामुळे लॉकडाऊन पुन्हा एकदा लावण्याचा विचार महाराष्ट्राचे मुख्यमंत्री उद्धव ठाकरे () यांनी बोलून दाखवला आहे. पण जर महाराष्ट्रात लॉकडाऊन लावण्यात आला तर आयपीएलचे () सामने कुठे खेळवणार, हा प्रश्न चाहत्यांना पडलेला आहे. पण या गोष्टीचे उत्तर बीससीआयने यापूर्वीच शोधून ठेवले आहे. बीसीसीआयने () या गोष्टीसाठीचा बॅकअप प्लॅन यापूर्वीच बनवला आहे. वानखेडे स्टेडियमवरील १० कर्मचाऱ्यांना करोनाची लागण () झाल्यानंतर एकच खळबळ उडाली होती. येत्या १० एप्रिल रोजी याच मैदानावर स्पर्धेतील दुसरी लढत होणार आहे. मुंबईतील () वानखेडे स्टेडियमवरील कर्मचाऱ्यांना करोनाची लागण झाल्याचे वृत्त आल्या पाठोपाठ या स्पर्धेशी संबंधित इव्हेट मॅनेजमेंटशी संबंधिक सहा जणांना करोना झाल्याचे समोर आले. मुंबई आणि नवी मुंबईत चार स्डेडियम्स असल्यामुळे आयपीएलसाठी मुंबई हे आयपीएलसाठी सोयीचे ठिकाण समजले जात होते. पण शनिवारी फक्त मुंबईमध्येच ९ हजारपेक्षा जास्त करोना रुग्ण सापडले आहेत. त्यामुळे मुंबईत किंवा महाराष्ट्रात सामने खेळवायचे की नाही, याचा विचार बीसीसीआय करत आहे. पण मुंबईत लॉकडाऊन लावण्याचा निर्णय घेण्यात आला तर आयपीएचे सामने कुठे खेळवायचे, हे बीसीसीआयने ठरवलेले आहे. बीसीसीआयच्या अधिकाऱ्यांनी 'इनसाइड स्पोर्ट्स'ला याबाबतची माहिती दिली आहे. त्यानुसार जर मुंबईत लॉकडाऊवन लावण्यात आला तर आयपीएलचे महाराष्ट्रातील सर्व सामने हे हैदराबाद येथे भरवण्याची तयारी बीसीसीआयने दाखवली आहे. महाराष्ट्रात जर सामने होऊ शकत नसतील, तर सर्व खेळाडूंसह आयपीएलचे अधिकारीही हैदराबादला रवाना होतील, असे त्यांनी स्पष्ट केले आहे. महाराष्ट्र हे आयपीएल भरवण्यासाठी सर्वात सोयीचे ठिकाण समजले जात होते. काही महिन्यांपूर्वी तर आयपीएक फक्त महाराष्ट्रातच खेळवण्याचा विचारही सुरु होती. कारण महाराष्ट्रात पाच स्टेडियम्स काही किलोमीटरच्या अंतरावरच आहेत. वानखेडेच्या बाजूलाच ब्रेबॉर्न स्टेडियम आहे, त्याचबरोबर नवी मुंबईत डी. वाय. पाटील आणि रिलायन्स हे स्टेडियम्स आहेत. त्याचबरोबर पुण्यातील गहुंजेमध्येही आंतरराष्ट्रीय क्रिकेट स्टेडियम आहे. त्यामुळे महाराष्ट्रात आयपीएल भरवणे सोपे ठरले असते. पण आता मुंबई आणि पुण्यात करोनाच्या रुग्णांची संख्या वाढत आहे. त्यामुळे आता महाराष्ट्रातून आयपीएल हलवायचे की नाही, याचा विचार बीसीसीआयला करावा लागणार आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3rUZtR6
No comments:
Post a Comment