चेन्नई : मुंबई इंडियन्सने आरसीबीविरुद्धच्या पहिल्या सामन्यात एका स्टार खेळाडूला पदार्पण करण्याची संधी दिली आहे. आजच्या सामन्यात ख्रिस लीन या स्टार खेळाडूला पदार्पण करण्याची संधी दिली आहे. त्याचबरोबर या संघात मार्को जॅन्सन या दक्षिण आफ्रिकेच्या युवा खेळाडूलाही संधी देण्यात आली आहे. त्यामुळे आता लीन आणि मार्को आपल्या पहिल्याच सामन्यात कशी कामगिरी करतात, याकडे सर्वांचीच नजर असेल. गेल्या आठ वर्षांत मुंबई इंडियन्सला पहिला सामना जिंकता आलेला नाही. त्यामुळे या सलामीच्या लढतीत ते विजय मिळवणार का, हे पाहावे लागेल. मुंबी इंडियन्सची सलामी यावेळी रोहित शर्मा आणि ख्रिस लीन हे दोघे करतील. त्यानंतर मुंबईच्या संघात इशान किशन, सूर्यकुमार यादव, हार्दिक पंड्या, कायरन पोलार्ड, कृणाल पंड्याचा यांचा मधल्या फळीमध्ये समावेश करण्यात आला आहे. कारण या खेळाडूंनी आतापर्यंत मुंबई इंडियन्सकडून खेळताना चांगली कामगिरी केली आहे. त्याचबरोबर त्यांनी कामगिरीत चांगले सातत्यही दाखवलेले आहे. त्यामुळे हे पाचही खेळाडू मुंबई इंडियन्सच्या संघात आपल्याला पाहायला मिळाले आहेत. त्याचबरोबर अष्टपैलू जयंत यादवलादेखील यावेळी संघात स्थान देण्यात आलेले आहे. पण फिरकीपटू राहुल चहरला मात्र यावेळी संधी देण्यात आलेली नाही. मुंबई इंडियन्सच्या वेगवान गोलंदाजीची मदार यावेळी जसप्रीत बुमरा आणि ट्रेंट बोल्ट यांच्यावर असेल. त्यांना यावेळी मार्को चांगली साथ देईल. त्यमुळे हे तिघे आता कशी वेगवान गोलंदाजी करतात, याकडे सर्वांचे लक्ष असेल. मुंबई इंडियन्सचे वेळापत्रक९ एप्रिल- विरुद्ध RCB- चेन्नई १३ एप्रिल- विरुद्ध KKR- चेन्नई १७ एप्रिल- विरुद्ध SRH- चेन्नई २० एप्रिल- विरुद्ध DC- चेन्नई २३ एप्रिल- विरुद्ध PBKS-चेन्नई २९ एप्रिल- विरुद्ध RR- दिल्ली १ मे- विरुद्ध CSK- दिल्ली ४ मे- विरुद्ध SRH- दिल्ली ८ मे- विरुद्ध RR- दिल्ली १० मे- विरुद्ध KKR- बेंगळुरू १३ मे- विरुद्ध PBKS- बेंगळुरू १६ मे- विरुद्ध SK- बेंगळुरू २० मे- विरुद्ध RCB- कोलकाता २३ मे- विरुद्ध DC- कोलकाता
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3t3jkPa
No comments:
Post a Comment