मुंबई : आतापर्यंत आयपीएलमध्ये धावांचा पाऊस झालेला सर्वांनीच पाहिला आहे. त्यामुळे आयपीएलमध्ये आतापर्यंत चौकार-षटकारांचा वर्षावही पाहायला मिळाला आहे. पण आतापर्यंत आयपीएलमध्ये सर्वाधिक षटकार कोणाच्या नावावर आहे, याची जोरदार चर्चा सध्याच्या घडीला सुरु आहे. आरसीबीचा कर्णधार विराट कोहलीने आतापर्यंत आयपीएलमध्ये धावांचा पाऊस पाडला आहे. कोहली आतापर्यंत आयपीएलमधअये १९२ सामने खेळला आहा. या १९२ सामन्यांमध्ये कोहलीच्या नावावर ५८७८ धावा असून त्याने आतापर्यंत आयपीएलमध्ये एकूण २०१ षटकार लगावले आहेत. मुंबई इंडियन्सचा कर्णधार रोहित शर्मा हा हिटमॅनच्या नावाने ओळखला जातो. आतापर्यंत आयपीएलमध्ये त्याने धडाकेबाज फलंदाजी केली आहे. रोहित आतापर्यंत आयपीएलमध्ये २०० सामने खेळला आहे. या २०० सामन्यांमध्ये कोहलीने ५२३० धावा केल्या असून २१३ षटकार लगावलेले आहेत. आयपीएलमध्ये सर्वाधिक षटकार खेचणाऱ्या फलंदाजांच्या यादीमध्ये महेंद्रसिंग धोनी हा तिसऱ्या स्थानावर आहे. कारण धोनीने आतापर्यंत आयपीएलमध्ये २०४ सामने खेळले आहेत. धोनीच्या नावावर १८२ डावांमध्ये ५४३२ धावा असून त्याने आतापर्यंत २१६ षटकार लगावले आहेत. आयपीएलमध्ये सर्वाधिक षटाकार लगावणाऱ्या खेळाडूंच्या यादीमध्ये दुसऱ्या स्थानावर आरसीबीचा धडाकेबाज फलंदाज एबी डिव्हिलियर्स आहे. आतापर्यंत आयपीएमध्ये एबीने १६९ सामने खळले आहेत. या १६९ सामन्यांमध्ये एबीने ४८४९ धावा केल्या असून त्याच्या नावावर २३५ षटकार आहेत. आयपीएलमध्ये सर्वाधिक षटकारांचा विक्रम ख्रिस गेलच्या नावावर आहे आणि हा विक्रम कोणी मोडू शकेल, असे सध्याच्या घडीला तरी कोणी दिसत नाही. कारण गेलच्या नावावर १३१ डावांमध्ये तब्बल ३४९ षटकार आहेत. या यादीत दुसऱ्या क्रमांकावर असलेल्या एबीपेक्षाही गेलचे षटका हे शंभरपेक्षा जास्त आहेत. त्यामुळे गेलचा सर्वाधिक षटकारांचा विक्रम कोणी मोडेल, असे सध्याच्या घडीला तरी दिसत नाही. त्यामुळे या आयपीएलमध्ये गेल काय कमाल दाखवतो आणि किती षटकार लगावतो, याची उत्सुकता चाहत्यांना नक्कीच असेल. त्यामुळे या आयपीएलमध्ये सर्वाधिक षटकार कोण खेचतो, याकडे सर्वांचेच लक्ष असेल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3dC7Nji
No comments:
Post a Comment