मुंबई : चेन्नई सुपर किंग्सने आजच्या सामन्यात राजस्थानला पराभूत करत गुणतालिकेत चांगलीच भरारी घेतली आहे. चेन्नईने यावेळी मुंबई इंडियन्स आणि दिल्ली कॅपिटल्स यांना पिछाडीवर टाकले आहे. चेन्नई सुपर किंग्सच्या मोइन अली आणि रवींद्र जडेजा यांनी आजच्या सामन्यात राजस्थानच्या फलंदाजांना चांगलेच नाचवले. या फिरकीपटूंच्या जोरावरच चेन्नईला राजस्थानवर दणदणीत विजय मिळवता आला. याा सामन्यापूरवी चेन्नईचा संघ हा चौथ्या स्थानावर होता. कारण दोन सामन्यांमध्ये त्यांनी एक विजय मिळवला होता आणि एक पराभव पत्करावा लागला होता. पण आजच्या सामन्यातील विजयानंतर चेन्नईच्या संघाने मुंबई इंडियन्स आणि दिल्ली कॅपिटल्स यांना मागे टाकत गुणतालिकेत दुसरे स्थान पटकावले आहे. चेन्नईने राजस्थानपुढे या सामन्यात १८९ धावांचे आव्हान ठेवले होते. या आव्हानाचा पाठलाग करताना राजस्थानला मनन व्होराच्या रुपात पहिला धक्का बसला. राजस्थानचा कर्णधार संजू सॅमसन यावेळी फक्त एकाच धावेवर बाद झाला, हा राजस्थानसाठी मोठा धक्का होता. पण त्यानंतर जोस बटलरने चेन्नईच्या गोलंदाजांचा चांगलाच समाचार घेत राजस्थानची धावगती वाढवली होती. पण यावेळी मोठा फटका मारण्याच्या नादात बटलर आऊट झाला. रवींद्र जडेजाने यावेळी बटलरने त्रिफळाचीत केले, बटलरचे अर्धशतक यावेळी फक्त एका धावेने हुकले. जडेजाने याच १२व्या षटकात बटलरबरोबर शिवम दुबेलाही बाद केले आणि राजस्थानला दुहेरी धक्के दिले. त्यानंतर मोइन अलीने राजस्थानच्या फलंदाजांना चांगलेच नावचवले. अलीने यावेळी महागडा खेळाडू असलेला ख्रिस मॉरिस, रायन पराग आणि डेव्हिड मिलवर या तिघांनाही बाद करत सामना चेन्नईच्या बाजूने झुकवला. चेन्नईचा ऋतुराज गायकवाड या सामन्यातही अपयशी ठरला आणि त्याला १० धावांवर समाधान मानावे लागले . ऋतुराज बाद झाल्यावर फॅफ ड्यू प्लेसिसने धडेकाबाज फलंदजाी केल्याचे पाहायला मिळाले. फॅफने यावेळी राजस्थानच्या गोलंदाजीचा चांगलाच समाचार घेतला. फॅफने यावेळी १७ चेंडूंत ३३ धावा केल्या, यामध्ये चार चौकार आणि दोव षटाकारांचा समावेश होता. फॅफ बाद झाल्यावर मोइन अली, सुरेश रैना आणि अंबाती रायुडू यांनी चांगली फलंदाजी केली. पण या तिघांनाही यावेळी मोठी धासंख्या साकारता आली नाही. धोनी आणि जडेजा यांनीही चांगली फलंदाजी केली. पण ड्वेन ब्राव्होने अखेरच्या षटकांमध्ये जोरदार फटकेबाजी केली. ब्राव्होने यावेळी आठ चेंडूंत नाबाद २० धावा केल्या आणि त्यामुळेच चेन्नईला १८८ धावा करता आल्या.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2RM2GWG
No comments:
Post a Comment