मुंबई : मुंबई इंडियन्सला दिल्ली कॅपिटल्सने विजयासह धक्का दिल्याचे पाहायला मिळाले. दिल्लीने शिखर धवनच्या धडाकेबाज ९२ धावांच्या खेळीच्या जोरावर पंजाब किंग्सवर सहा विकेट्स राखून दमदार विजय साकारला. पंजाबविरुद्धच्या सामन्यापूर्वी दिल्लीचा संघ हा चौथ्या स्थानावर होता. आजच्या सामन्यात पंजाबने दिल्लीसमोर १८६ धावांचे आव्हान ठेवले होते आणि दिल्लीने ते सहा विकेट्स आणि १० चेंडू राखून पूर्ण केले. या विजयासह दिल्लीने गुणतालिकेत मुंबई इंडियन्सला धक्का दिला. मुंबईचा संघ यापूर्वी दुसऱ्या स्थानावर होता. दिल्लीने या विजयासह चौथ्या स्थानावरुन दुसरे स्थान पटकावले आहे. दिल्लीने आतापर्यंत तीन सामन्यांमध्ये दोन सामन्यांमध्ये विजय मिळवला आहे, तर त्यांना एका सामन्यात पराभव पत्करावा लागला आहे. या सामन्यापूर्वी पंजाबचा संघ सातव्या स्थानावर होता. आजच्या सामन्यात पंजाबला दिल्लीकडून पराभव पत्करावा लागला. आतापर्यंत पंजाबचा संघ तीन सामने खेळला आहे. तीन सामन्यांमध्ये त्यांना दोन पराभव पत्करावे लागले आहेत, तर एका सामन्यात त्यांना विजय मिळवता आला आहे. पंबाजचा हा सलग दुसरा पराभव ठरला आहे. यापूर्वीच्या सामन्यात त्यांना चेन्नई सुपर किंग्सकडून पराभव पत्करावा लागला होता. पहिल्या सामन्यात त्यांनी राजस्थान रॉयल्सवर विजय मिळवला होता. पंजाबच्या १८६ धावांचा पाठलाग करताना दिल्ली कॅपिटल्सच्या पृथ्वी शॉ आणि शिखर धवन यांची दमदार सुरुवात केली. या दोघांनी पहिल्या पॉवर प्लेमध्ये पंजाबच्या गोलंदाजीवर जोरदार प्रहार केला. पण यावेळी मोठा फटका मारताना पृथ्वीला आपली विकेट गमवावी लागली. पृथ्वीने यावेळी १७ चेंडूंत ३२ धावांची दमदार खेळी साकारली. पृथ्वी बाद झाला असला तरी धवन जोरदार फटकेबाजी करत होता. धवनने यावेळी पंजाबच्या गोलंदाजीवर जोरदार प्रहार केला आणि दमदार फटकेबााजी केली. त्यामुळेच धवनला यावेळी ३१ चेंडूंत आपले अर्धशतक साकारता आले. अर्धशतक झळकावल्यावर धवन आक्रमकपणे फलंदाजी करत होता. पण ऑफ स्टम्पच्या बाहेर जाऊन मोठा फटका खेळण्याच्या नादात धवन त्रिफळाचीत झाला. धवनने यावेळी ४९ चेंडूंत १३ चौकार आणि दोन षटकारांच्या जोरावर ९१ धावांची खेळी साकारली.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3gk4cte
No comments:
Post a Comment