चेन्नई : मुंबई इंडियन्सचा आज सामना दिल्ली कॅपिटल्सबरोबर होणार आहे. त्यामुळे मुंबई इंडियन्सविरुद्धच्या सामन्यात मुंबईकर अजिंक्य रहाणेला संधी मिळणार का, याची उत्सुकता नक्कीच चाहत्यांना असेल. दिल्ली कॅपिटल्सच्या संघाने गेल्या सामन्यात अजिंक्य रहाणेला वगळण्याचा धक्कादायक निर्णय घेतला होता. अजिंक्यच्या जागी संघात स्टीव्हन स्मिथला संधी देण्यात आली होती. पण स्मिथला या संधीचे सोने करता आले नव्हते. कारण गेल्या सामन्यात स्मिथ हा लवकर बाद झाला होता आणि त्याला चांगली खेळी साकारता आली नव्हती. अजिंक्यच्या जागी संधी मिळालेला स्मिथही अपयशी ठरला होता. पण अजिंक्यला आतापर्यंत दोन सामन्यांमध्ये संधी देण्यात आली होता आणि या दोन्ही सामन्यांमध्ये त्याला मोठी खेळी साकारता आली नव्हती. पण स्मिथला आतापर्यंत एकच संधी देण्यात आली आहे. त्यामुळे कदाचित आजच्या सामन्यात स्मिथलाच संधी देण्यात येईल. पण जर स्मिथही अपयशी ठरला तर कदाचित अजिंक्यला संघात पुनरागमन करण्याची संधी देण्यात येऊ शकते. त्यामुळे आजच्या सामन्यात तरी अजिंक्य खेळेल, अशी शक्यता धुसर आहे. पण संघातील दुसरा मुंबईकर पृथ्वी शॉ आजच्या सामन्यात खेळेल, अशी अपेक्षा सर्वांनाच आहे. दिल्लीच्या संघात यावेळी काही बदल नक्कीच पाहायला मिळू शकतात. चेन्नईची खेळपट्टी ही फिरकी गोलंदाजांना पोषक समजली जाते. त्यामुळे या सामन्यात आर. अश्विन आणि अमित मिश्रा काय कमाल दाखवतात, याकडे सर्वांचे लक्ष असेल. कारण हे दोन फिरकीचे उत्तम पर्याय सध्याच्या घडीला दिल्लीच्या संघापुढे आहेत. त्यामुळे दिल्लीचे हे दोन फिरकीपटू आज मुबंई इंडियन्सच्या फलंदाजांसमोर कशी गोलंदाजी करतात, हे पाहणे उत्सुकतेचे असेल. दुसरीकडे मुंबई इंडियन्सचा संघ आज विजयी हॅट्रिक साकारण्यासाठी सज्ज झालेला असेल. आज मुंबई इंडियन्सचा सामना दिल्ली कॅपिटल्सबरोबर होणार आहे. या सामन्यात विजयासह अव्वल स्थानावर जाण्याचा प्रयत्न मुंबई इंडियन्सचा असेल. त्याचबरोबर दिल्लीच्या संघालाही यावेळी गुणतालिकेत भरारी घेण्याची संधी असेल. त्यामुळे आजच्या सामन्यात कोणता संघ बाजी मारतो, याकडे सर्वांचे लक्ष असेल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3n1Jobr
No comments:
Post a Comment