मुंबई : राजस्थान रॉयल्सला पहिल्याच सामन्यात अखेरच्या चेंडूवर चार धावांनी पराभव पत्करावा लागल्या. राजस्थानच्या संघाकडून यावेळी काही मोठ्या चुका झाल्या आणि त्या राजस्थानच्या संघाला चांगल्याच महागात पडल्याचे पाहायला मिळाले. पंजाब किंग्सकडून यावेळी लोकेश राहुलने सर्वाधिक ९१ धावांची खेळी साकारली. पण यावेळी राहुलला दोनदा राजस्थानच्या खेळाडूंनी जीवदान दिल्याचे पाहायला मिळाले. राहुल जेव्हा १५ धावांवर होता तेव्हा त्याला पहिले जीवदान मिळाले. राजस्थानचा श्रेयस गोपाळ यावेळी सातवे षटक टाकत होता. या सातव्या षटकाच्या तिसऱ्या चेंडूवर राहुलने मोठा फटका मारला. पण त्यावेळी सीमारेषेवर असलेल्या बेन स्टोक्सच्या हातात चेंडू विसावला होता. पण त्याचवेळी स्टोक्सचा तोल गेला आणि त्याच्या हातून चेंडू निसटला आणि राहुलला १५ धावांवर पहिले जीवदान मिळाले. राहुलला यावेळी १५ व्या षटकाच्या पहिल्या चेंडूवर दुसरे जीवदान मिळाले. यावेळी १५वे षटक मुस्ताफिझुर रेहमान टाकत होता. पहिल्या चेंडूवर राहुलने मोठा फटका मारला. यावेळी जोस बटलर झेल पकडण्यासाठी सरसावला होता. पण यावेळी बटलरला हा झेल पकडता आला नाही आणि राहुलला दुसऱ्यांदा जीवदान मिळाले. राहुल त्यावेळी ५४ धावांवर होता. या दोनपैकी एक झेल जरी राजस्थानच्या खेळाडूंनी पकडला असता तर सामन्याचे चित्र बदललेले दिसले असते. ख्रिस गेललाही यावेळी एक जीवदान मिळाले. राजस्थानचा राहुल तेवातिया यावेळी नववे षटक टाकत होता. या षटकाच्या पाचव्या चेंडूवर गेल मोठा फटका मारण्याच्या तयारीत होता, पण त्याचा फटका हुकला. यावेळी तेवातियाला स्वत:च्या गोलंदाजीवर झेल पकडण्याची संधी होती. पण तेवातियाने यावेळी झेल सोडला, त्यावेळी गेल ३३ धावांवर होता. पंजाब किंग्सने यावेळी राजस्थान रॉयल्सपुढे २२२ धावांचे आव्हान ठेवले होते. राजस्थान रॉयल्सचा युवा कर्णधार संजू सॅमननने धडाकेबाज फलंदाजी करत शतक साकारले. पण या सामन्यात पंजाबने चार धावांनी विजय साकारला. अखेरच्या चेंडूवर राजस्थानला अखेरच्या चेंडूवर विजयासाठी पाच धावांची गरज होती. त्यावेळी संजूने अखेरच्या चेंडूवर मोठा फटका मारला, पण तो झेलबाद झाला आणि राजस्थानला संजूच्या शतकानंतरही सामना गमवावा लागला. संजूने यावेळी ६३ चेंडूंत ११९ धावांची दमदार खेळी साकारली. सामन्याचा निकाल हा पंजाबच्या बाजूने लागला असला तरी सामनावीराचा पुरस्कार मात्र संजूनेच पटकावला.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3teB22e
No comments:
Post a Comment