Ads

Monday, April 19, 2021

IPL 2021 : रोहित शर्मानेही गोलंदाजी केली पण हार्दिक पंड्याने नाही, मुंबई इंडियन्सच्या प्रशिक्षकांचा मोठा खुलासा...

मुंबई : मुंबई इंडियन्सचा कर्णधार रोहित शर्मानेही यंदाच्या आयपीएलमध्ये गोलंदाजी केल्याचे पाहायला मिळाले. पण अष्टपैलू हार्दिक पंड्याने मात्र अजूनही गोलंदाजी केलेली नाही. गेल्यावर्षीच्या आयपीएलमध्येही हार्दिकने गोलंदाजी केली नव्हती. हार्दिक हा मुंबई इंडियन्सकडून खेळताना का गोलंदाजी करत नाही, याबाबतचा खुलासा आता मुंबई इंडियन्सचे मुख्य प्रशिक्षक महेला जयवर्धनेने केला आहे. जयवर्धनेने हार्दिकबाबत सांगितले की, " यावर्षी हार्दिक मुंबई इंडियन्ससाठी गोलंदाजी करेल, अशी मला आशा होती. कारण गेल्यावर्षी हार्दिकला दुखापत झाली होती आणि त्यामधून तो पूर्णपणे सावरलेला नव्हता. त्यामुळे गेल्यावर्षीच्या आयपीएलमध्ये त्याला आम्ही गोलंदाजी दिलेली नव्हती. पण यावर्षीही हार्दिकने आतापर्यंत गोलंदाजी केलेली नाही आणि याचे कारणही आता समोर आले आहे." हार्दिकच्या गोलंदाजी न करण्यामागचे कारण काय, पाहा... जयवर्धनेने यावेळी सांगितले की, " भारत आणि इंग्लंड यांच्यातील अखेरच्या एकदिवसीय सामन्यात हार्दिकला दुखापत झाली होती. ही दुखापत पूर्णपणे बरी झालेली नाही. त्यामुळे हार्दिकला गोलंदाजी देण्याची जोखीम आम्ही उचलू शकत नाही. त्यामुळेच अजूनपर्यंत हार्दिक पंड्याला गोलंदाजी दिलेली नाही. त्याची ही दुखापत जेव्हा पूर्णपणे बरी होईल, त्यावेळी त्याला गोलंदाजी करण्याची संधी दिली जाईल." पहिल्या सामन्यात मुंबईला पराभवाचा सामना करावा लागला होता. त्यावेळी मुंबईच्या संघाला हार्दिक पंड्याच्या गोलंदाजीची उणीव भासली होती. पण त्यानंतरच्या दोन्ही सामन्यांमध्ये राहुल चहर, जसप्रीत बुमरा आणि ट्रेंट बोल्ट यांनी चांगली गोलंदाजी करत विजयात मोलाचा वाटा उचलला आहे. कृणाल पंड्याही चांगली गोलंदाजी करत आहे. आतापर्यंत रोहित शर्मा आणि कायरन पोलार्ड यांनीही गोलंदाजी केलेली आहे. पण पंड्याने मात्र अजूनपर्यंत एकही षटक यावर्षीच्या आय़पीएलमध्ये टाकलेले नाही. त्यामुळे आता हार्दिक केव्हा गोलंदाजी करायला सज्ज होणार, याची उत्सुकता नक्कीच चाहत्यांना असेल. आतापर्यंत मुंबई इंडियन्सच्या संघाने तीन सामन्यांमध्ये दोन विजय मिळवले आहेत. त्यामुळे मुंबई इंडियन्सचा संघ दोन गुणांसह गुणतालिकेत तिसऱ्या स्थानावर आहे.


from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3anZwyO

No comments:

Post a Comment

BJP’s Rajya Sabha strength falls below 100; may rise soon

A month after touching the mark of 100 seats for the first time in Rajya Sabha, BJP’s numerical strength has come down to 95 as five of its ...