Ads

Monday, April 19, 2021

IPL 2021: केएल राहुलमुळे पंजाबचा पराभव झाला, कारण वाचल्यावर तुम्हाला धक्का बसेल

मुंबई: केएल राहुलच्या नेतृत्वाखाली खेळणाऱ्या पंजाब किंग्जचा आयपीएलच्या १४व्या हंगामातील पहिल्या तीन लढतीपैकी दोन मध्ये पराभव झालाय. रविवारी झालेल्या सामन्यात दिल्ली कॅपिटल्सने त्यांचा ६ विकेटनी पराभव केला. पंजाबने प्रथम फलंदाजी करत ४ बाद १९५ धावा केल्या होत्या. दिल्लीने शिखर धवनच्या ९२ धावांच्या जोरावर विजयाचे लक्ष्य १० चेंडू राखून पार केले. वाचा- दिल्लीविरुद्ध झालेल्या पराभवानंतर कर्णधार केएल राहुलने पंजाबला १५-२० धावा कमी पडल्या असे सांगितले. ही गोष्ट प्रसिद्ध समालोचक हर्षा भोगले यांनी देखील बोलून दाखवली. भोगले यांच्या मते, केएल राहुलच्या धीम्या फलंदाजीमुळे पंजाबचा पराभव झाला. त्याने ५१ चेंडूत फक्त ६१ धावा केल्या. राहुलने जितके चेंडू खेळले त्याच्या तुलनेत आणखी १५ धावा अधिक करायला हव्या होत्या. वाचा- भोगले यांनी सोशल मीडियावर शेअर केलेल्या पोस्टमध्ये सांगितले की, पंजाब किंग्जला धावसंख्याचे संरक्षण करण्याचा मार्ग शोधला पाहिजे. ते १९५ धावा करून पराभूत झाले आणि २२१ धावा करून देखील त्यांचा जवळ जवळ पराभव झाला होता. दव असल्यामुळे मदत मिळाली नाही. पण ते एकमेव कारण नव्हते. राहुल ज्या पद्धतीचा खेळाडू आहे, त्याने जितके चेंडू खेळले त्या हिशोबाने त्याने आणखी १५ धावा करायला हव्या होत्या. वाचा- राहुलच्या या धीम्या फलंदाजीवर सोशल मीडियावर चाहत्यांनी देखील प्रतिक्रिया दिली आहे. पंजाब किंग्जचा थिंक टॅक राहुलची चूक मान्य करण्यास तयार नाही. ज्या पद्धतीने त्याने डाव पुढे नेला, त्यासाठी त्याला ओरडने गरजेचे आहे. पंजाबच्या डावाची सुरूवात राहुल आणि मयांक यांनी केली. मयांकने आक्रमक फलंदाजी केली आणि तो बाद झाल्यानंतर राहुल फार काळ टिकला नाही. राहुल बाद झाला तेव्हा १६.२ षटकात पंजाबने १४१ धावा केल्या. त्यानंतर दीपक हुड्डा आणि शाहरुख खान यांनी छोटी पण स्फोटक खेळी केली. पंजाबने १९५ धावा केल्या पण ती धावसंख्या पुरेशी ठरली नाही.


from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3svJN6T

No comments:

Post a Comment

BJP’s Rajya Sabha strength falls below 100; may rise soon

A month after touching the mark of 100 seats for the first time in Rajya Sabha, BJP’s numerical strength has come down to 95 as five of its ...