मुंबई : मुंबई इंडियन्सचे सहाय्यक प्रशिक्षकांना करोना झाला आहे. त्यामुळे मुंबई इंडियन्सच्या संघाची चिंता वाढलेली आहे. कारण आतापर्यंत मुंबई इंडियन्सच्या संघामध्ये करोनाचा शिरकाव झालेला नव्हता. त्यामुळे मुंबई इंडियन्सच्या खेळाडूंना आता एक महत्वाची गोष्ट करावी लागणार आहे. किरण मोरे हे मुंबई इंडियन्सच्या खेळाडूंबरोबर काम करत असतील तर आता खेळाडूंना करोना चाचणी करुन घ्यावी लागणार आहे. कारण मोरे यांच्या संपर्कात जे खेळाडू किंवा मुंबई इंडियन्सच्या ज्या व्यक्ती आल्या आहेत त्यांना आता करोनाची चाचणी करणे भाग असेल. या सर्व व्यक्तींची करोना चाचणी केल्यावर जर त्यांचा अहवाल निगेटीव्ह आला तरच त्यांना संघाबरोबर राहता येऊ शकते. त्यामुळे ही गोष्ट मुंबई इंडियन्ससाठी चिंतेची बाब ठरू शकते. आतापर्यंत आयपीएलमधील काही खेळाडूंना करोना झाला आहे. पण मुंबई इंडियन्सच्या संघातील खेळाडू सुरक्षित असल्याचे पाहायला मिळाले आहे. मुंबई इंडियन्सचा संघ सध्याच्या घडीला चेन्नईमध्ये सराव करत आहे आणि त्यांचा पहिला सामना आरसीबीबरोबर ९ एप्रिलला होणार आहे. त्यामुळे या सामन्यापूर्वी मोरे यांच्या संपर्कात आलेल्या व्यक्तींना करोनाची चाचणी करावी लागणार आहे. या चाचणीनंतर सर्व चित्र स्पष्ट होऊ शकेल. मुंबई इंडियन्स संघाचे विकेटकिपिंगचे सल्लागार आणि माजी क्रिकेटपटू किरण मोरे यांना करोनाची लागण झाली आहे. किरण मोरे यांची करोना टेस्ट पॉझिटिव्ह आल्यानंतर त्यांना आयसोलेटेड करण्यात आले आहे. मोरे यांच्या प्रकृती संदर्भात मुंबई इंडियन्स आणि बीसीसीआय योग्य ती काळजी घेत आहे. मुंबई इंडियन्सचे वैद्यकीय पथक त्यांच्या सोबत आहे. बीसीसीआयच्या सर्व प्रोटोकॉलनुसार त्यांची काळजी घेतली जात आहे, असे मुंबई इंडियन्स म्हटले आहे. आयपीएलशी संबंधीत लोकांना करोनाची लागण होत असल्याचे वृत्त येत आहेत. सर्व प्रथम कोलकाता नाइट रायडर्सचा फलंदाज नितिश राणा त्यानंतर दिल्ली कॅपिटल्सचा अक्षर पटेल आणि मग रॉयल चॅलेंजर्स बेंगळुरूचा सलामीवीर देवदत्त पडिक्कल याला करोनाची लागण झाली. या शिवाय सपोर्ट स्टाफमधील काहींना करोना झाल्याचे वृत्त होते. मुंबईतील वानखेडे मैदानावरील ग्राउंड स्टाफपैकी १३ जणांना कोरना झाला आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3fKxQHO
No comments:
Post a Comment