मुंबई : आयपीएलच्या लिलावात सर्वात महागडे ठरले होते ते ख्रिस मॉरिस आणि ग्लेन मॅक्सवेल. या दोन्ही महागड्या खेळाडूंबद्दल भारताचे माजी कर्णधार आमि समालोचक सुनील गावस्कर यांनी मोठे विधान केले आहे. त्याचबरोबर मुंबई इंडियन्सच्या फलंदाजीबद्दलही त्यांनी आपले मत व्यक्त केले आहे. गावस्कर यावेळी म्हणाले की, " आतापर्यंत बऱ्याच खेळाडूंना आयपीएलमध्ये संघर्ष करावा लागत आहे. खासकरून भारताच्या खेळपट्टीवर वेगवान गोलंदाजांना काही समस्या जाणवत आहे. पण असे असले तरी ग्लेन मॅक्सवेल आणि ख्रिस मॉरिस यांनी चांगली सुरुवात केली आहे. माझ्यामते या संपूर्ण आयपीएलमध्ये त्यांच्याकडून नेत्रदीपक कामगिरी होऊ शकते." मुंबई इंडियन्सबद्दल काय म्हणाले गावस्कर, पाहा...मुंबई इंडियन्सच्या सामन्यादरम्यान बरेच षटकार आपल्याला पाहायला मिळाले. कारण त्यावेळी चेंडू हा बॅटवर सहजपणे येत होता. त्याचबरोबर चेंडूंमध्ये चांगली उसळीही पाहायला मिळाली. चेन्नईच्या खेळपट्टीबाबत बोलायचे झाले, तर येथे भारताविरुद्धच्या दोन कसोटी खेळवण्यात आल्या होत्या. त्यामुळे कदाचित खेळपट्टी बनवण्यासाठी जास्त वेळ मिळाला नसेल. पण दुसरीकडे वानखेडेच्या खेळपट्टीवर वेगवान गोलंदाजांना चांगला फायदा मिळत असल्याचे पाहायला मिळते. कारण वानखेडेच्या खेळपट्टीवर वेगवान गोलंदाजांनी विकेट्स मिळवल्या आहेत. पण दुसरीकडे चेन्नईच्या खेळपट्टीवर फिरकीपटूंना चांगली साथ मिळत असल्याचे पाहायला मिळाले आहे. पण जे गोलंदाज चतुर असतात त्यांना गोलंदाजी कशी करायची, हे चांगलेच माहिती असते. त्यामुळे एक चांगला चेंडू फलंदाजाचा मोठा फटका बिघडवू शकतो, असे गावस्कर यांनी यावेळी सांगितले. गोलंदाजांबद्दल गावस्कर यांनी काय सांगितले, पाहा...वानखेडेच्या खेळपट्टीवर चांगली उसळी मिळते, याचा फायदा पंजाब किंग्सच्या मेरेडिथने घेतल्याचे पाहायला मिळाले. कारण चेन्नई सुपर किंग्सविरुद्धच्या सामन्यात त्याने बाऊन्सर्सच्या जोरावर अंबाती रायुडू आणि सुरेश रैना यांना बाद केले. ट्वेन्टी-२० क्रिकेटमध्ये जेवढे चेंडू निर्धाव जातात, तेवढे फलंदाजावर दडपण वाढत जाते. निर्धाव चेंडू गेल्यावर फलंदाज मोठे फटके मारण्याची जोखीम उचलतात, असेही गावस्कर यांनी सांगितले.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3dtViI0
No comments:
Post a Comment