चेन्नई : मुंबई इंडियन्सच्या संघाने आजच्या दिल्ली कॅपिटल्सविरुद्धच्या सामन्यात एक महत्वाचा बदल केला आहे. मुंबई इंडियन्सच्या संघाने आजच्या सामन्यासाठी भारताचा अष्टपैलू खेळाडू जयंत यादवला संधी देण्यात आली आहे. यावेळी मुंबई इंडियन्सने अॅडम मिल्नेला वगळून जंयतला संधी दिली आहे. चेन्नईची खेळपट्टी ही फिरकीला पोषक समजली जाते, त्यामुळे जयंतला या सामन्यात ंसधी दिल्याचे म्हटले जात आहे. जयंत हा एक चांगला फलंदाज आहे. त्याचबरोबर तो फिरकी गोलंदाजीही करतो, त्यामुळे दिल्ली कॅपिटल्सविरुद्धच्या सामन्यात जयंतला संधी देण्यात आलेली आहे. त्यामुळे आता मुंबई इंडियन्सच्या संघात राहुल चहर, कृणाल पंड्या आणि जयंत यादव, असे तीन फिरकीपटू आपल्याला दिसू शकतात. मुंबई इंडियन्सला आतापर्यंतच्या तिन्ही सामन्यांमध्ये मधल्या फळीतील फलंदाजांची चिंता जाणवते आहे. त्यामुळे जयंत हा मुंबई इंडियन्ससाठी उपयुक्त खेळाडू ठरू शकतो, असे सध्याच्या घडीला तरी दिसत आहे. त्यामुळे आजच्या सामन्यात जंयत कशी कामगिरी करतो, याकडे सर्वांचेच लक्ष असेल. दिल्ली कॅपिटल्सच्या संघाने गेल्या सामन्यात अजिंक्य रहाणेला वगळण्याचा धक्कादायक निर्णय घेतला होता. अजिंक्यच्या जागी संघात स्टीव्हन स्मिथला संधी देण्यात आली होती. पण स्मिथला या संधीचे सोने करता आले नव्हते. कारण गेल्या सामन्यात स्मिथ हा लवकर बाद झाला होता आणि त्याला चांगली खेळी साकारता आली नव्हती. अजिंक्यच्या जागी संधी मिळालेला स्मिथही अपयशी ठरला होता. पण अजिंक्यला आतापर्यंत दोन सामन्यांमध्ये संधी देण्यात आली होता आणि या दोन्ही सामन्यांमध्ये त्याला मोठी खेळी साकारता आली नव्हती. पण स्मिथला आतापर्यंत एकच संधी देण्यात आली आहे. मुंबई इंडियन्सचा संघ आज विजयी हॅट्रिक साकारण्यासाठी सज्ज झालेला असेल. आज मुंबई इंडियन्सचा सामना दिल्ली कॅपिटल्सबरोबर होणार आहे. या सामन्यात विजयासह अव्वल स्थानावर जाण्याचा प्रयत्न मुंबई इंडियन्सचा असेल. त्याचबरोबर दिल्लीच्या संघालाही यावेळी गुणतालिकेत भरारी घेण्याची संधी असेल. त्यामुळे आजच्या सामन्यात कोणता संघ बाजी मारतो, याकडे सर्वांचे लक्ष असेल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3tzuQSB
No comments:
Post a Comment