मुंबई: आयपीएल २०२१च्या दुसऱ्या सामन्यात दिल्ली कॅपिटल्सने चेन्नई सुपर किंग्जचा सात विकेटनी पराभव केला आणि पहिल्या विजयाची नोंद केली. या सामन्यात दिल्लीकडून शिखर धवनने शानदार ८५ धावा केल्या. तोच सामनावीर देखील ठरला. वाचा- आयपीएलमधील पहिल्या सामन्यात चेन्नईला निराश व्हावे लागले. एका बाजूला कर्णधार महेंद्र सिंह शून्यावर बाद झाला आणि त्याच बरोबर धीम्या गतीने षटके टाकल्याबद्दल त्याला १२ लाख रुपयांचा दंड देखील झाला. वाचा- चेन्नई आणि दिल्लीत झालेल्या सामन्यात अशी एक घटना घडली ज्यावर चाहते चर्चा करत आहेत. दिल्लीच्या डावात जेव्हा शिखर धवन आणि पृथ्वी शॉ यांची तुफान फलंदाजी सुरू होती तेव्हा मोइन अलीने शिखरला एक चेंडू टाकला. जो कंबरेच्या वर होता. हा चेंडू मारण्यासाठी शिखर क्रिझच्या पुढे आला होता. चेंडू फार उंचीवरून आल्याने थेट धोनीच्या हातात गेला आणि त्याने क्षणाचा ही विलंब न करता शिखरला बाद केले. पण स्क्वेअर लेग अंपायरने तो नो बॉल असल्याचे सांगितले. वाचा- अशा प्रकारच्या चेंडूला मून बॉल म्हणतात ज्याचा वापर बेसबॉल या खेळात केला जातो. पाहा व्हिडिओ- प्रथम फलंदाजी करताना चेन्नईची सुरूवात खराब झाली. ऋतुराज गायकवाड आणि फाफ डुप्लेसिस धावा करण्यात अपयशी ठरले. त्यानंतर आणि सुरेश रैना यांनी डाव सावरला. रैनाने धमाकेदार अर्धशतक झळकावले. अखेरच्या षटकात सॅम करन आणि रविंद्र जडेजा यांनी चेन्नईला १८८ अशी मोठी धावसंख्या उभी करून दिली. कर्णधार धोनी शुन्यावर बाद झाला. वाचा- विजयासाठी आव्हानात्मक धावसंख्या समोर असताना दिल्लीच्या सलामीवीरांनी शानदार सुरूवात केली. पृथ्वी शॉ आणि शिखर धवन यांनी पहिल्या विकेटसाठी १३ षटाकत १३६ धावा केल्या. येथेच दिल्लीचा विजय पक्का झाला होता. शिखर आणि पृथ्वी यांनी तुफानी अर्धशतक केले. अखेर कर्णधार पंतने चौकार मारून विजय मिळून दिला.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3g1TtU4
No comments:
Post a Comment