धोनीचे आई-वडील करोना पॉझिटिव्ह; रांचीत उपचार सुरू

रांची: भारतीय संघाचा माजी कर्णधार महेंद्र सिंह धोनीच्या आई आणि वडिलांना करोना व्हायरसची लागण झालीआहे. या दोघांवर रांची येथील एका खासगी रुग्णालयात उपचार सुरू आहेत. धोनीचे वडील पान सिंह धोनी आणि आई देवकी यांना बरीयातू येथील प्लस सुपर स्पेशलिटी रुग्णालयात दाखल करण्यात आले आहे. वाचा- धोनी सध्या आयपीएलच्या १४व्या हंगामात खेळत आहे. चेन्नई सुपर किंग्जचा कर्णधार असलेला धोनी मुंबईत आहे. धोनीच्या आई आणि वडिलांच्या प्रकृती संदर्भात रुग्णालयाने दिलेल्या माहितीनुसार दोघांची ऑक्सिजन लेव्हल ठिक आहे. तसेच करोनाची लागण फार नाही. दोघांची प्रकृतीत लवकरच सुधारणा होईल असे सांगितले जात आहे. वाचा- आयपीएलमध्ये आज धोनी नेतृत्व करत असलेल्या चेन्नई सुपर किंग्जची लढत कोलकाता नाइट रायडर्स विरुद्ध होणार आहे. चेन्नईने ३ पैकी २ सामन्यात विजय मिळवला असून ते गुणतक्त्यात तिसऱ्या स्थानावर आहे. वाचा- देशातील अन्य राज्यांप्रमाणेच झारखंडमध्ये देखील करोना रुग्णांची संख्या वाढत आहे. राज्यात २२ ते २९ एप्रिल या काळात लॉकडाउन जाहीर करण्यात आला आहे. मंगळवारी राज्यात ४ हजार ४०१ नवे रुग्ण सापडले होते. तर ४६ जणांचा मृत्यू झाला.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3elyRUw