मुंबई : क्रिकेटमध्ये फिल्डिंगला फार महत्त्व असते. आजच्या दिवशी भारताच्या अशा एका खेळाडूचा जन्म झाला होता ज्याने क्लोजिंग फिल्डिंगच्या जोरावर जागतीक क्रिकेटमध्ये स्वत:ची ओळख तयार केली होती. आजच्या दिवशी १९४८ मध्ये यांचा जन्म मुंबईत झाला होता. जागतीक क्रिकेटमध्ये एकनात सोलकर यांची ओळख अशी होती की शॉर्ट लेगमध्ये जर ते उभे असतील तर चेंडू बॅटला लागला तर कधी जमीनीवर पडायचा नाही, तो सोलकरांच्या हातात असायचा. क्रिकेटमध्ये शॉर्ट लेग येथे फिल्डिंग करणे धोकादायक मानले जाते. फलंदाजाच्या जवळ उभे राहून फिल्डिंग केल्याने दुखापत होण्याचा धोका असतो. पण या ठिकाणी फिल्डिंग करण्यास सोलकर कधी घाबरले नाही. उलट फलंदाजाला बाद होण्याची भीती असायची. वाचा- वर्ल्ड रेकॉर्डशी बरोबरी १९७०-७१ मध्ये भारताने जेव्हा पहिल्यांदा वेस्ट इंडिजचा पराभव केला होता. तेव्हा पोर्ट ऑफ स्पेनमधील सामन्यात सोलकर यांनी वर्ल्ड रेकॉर्ड केला होता. या सामन्यात त्यांनी ६ कॅच पकडले होते. कॅच पकडण्याच्या कौशल्यामुळेच भारताने १९७१ साली इंग्लंडविरुद्ध विजय मिळवला होता. सोलकर यांनी फुल लेंथ डाइव्ह मारला आणि कॅच पकडला. त्यामुळे भारताने इंग्लंडमध्ये प्रथमच विजय मिळवला होता. जगातील सर्वोत्तम फिल्डर जर आकडेवारीचा विचार केला तर सोलकर आज देखील जगातील सर्वोत्तम फिल्डर आहेत. त्यांनी २७ कसोटीत ५३ कॅच पकडले. ज्या कोणत्याही नॉन विकेटकीपरने २० पेक्षा अधिक सामने खेळले आहेत त्यामध्ये ही आकडेवारी सर्वोत्तम आहे. सोलकर यांच्यानंतर बॉब सिम्पसन यांचा क्रमांक लागतो. त्यांनी ६२ कसोटीत ११० कॅच घेतले आहेत. सोलकर जेव्हा खेळत होते तेव्हा हेल्मेट घातले जात नसत. सोलकर हे एकमेव असे क्रिकेटपटू आहेत ज्यांनी १२ पेक्षा अधिक डावात सरासरी एकपेक्षा अधिक कॅच घेतले आहेत. आज कसोटी क्रिकेटमध्ये फिल्डर हेल्मेट घालून फिल्डिंग करतात. पण सोलकर जेव्हा क्रिकेट खेळत होते तेव्हा ते हेल्मेट शिवाय फलंदाजाच्या जवळ उभे राहत. वाचा- १९७१ साली भारताने इंग्लंडमध्ये पहिला कसोटी विजय मिळवला. या सामन्यात त्यांनी किथ फ्लेचर आणि अॅलन नॉट यांचे कॅच घेतले होते. आज देखील कसोटी क्रिकेटमधील हे कॅच सर्वोत्तम मानले जातात. फलंदाज कोणता शॉर्ट खेळणार आहे सोलकर यांना लक्षात येत असे. यासाठी ते फलंदाजाच्या पायाच्या हलचालींवर लक्ष ठेवत. आज देखील शॉर्ट लेगच्या फिल्डरांना सोलकर यांचे उदाहरण दिले जाते. गरिबांचा सोबर्स काही लोक एकनाथ सोलकर यांना गरीवांचा सोबर्स देखील म्हणायचे. खालच्या क्रमांकावर फलंदाजी करणारे सोलकर गोलंदाजीत फिरकी आणि मध्यम गतीने जलद गोलंदाजी करू शकत होते. त्यांनी १९७१ साली पोर्ट ऑफ स्पेनमध्ये सहा कॅच सोबत ५५ धावा केल्या होत्या. तर इंग्लंडमधील पहिल्या विजयी सामन्यात ४४ धावा आणि ३ विकेट घेतल्या होत्या. वाचा- झोपडीत राहिले... सोलकर यांचा जन्म अत्यंत गरीब कुटुंबात झाला. त्यांचे वडील मुंबईतील हिंदू जिमखाना मैदानावर ग्राउंडमॅन होते. ग्राउंडच्या शेजारी असलेल्या एका झोपडीत वडीलांसह पाच भाऊ-बहिण एकत्र राहत होते. त्यांचे बंधू अनंत यांनी देखील प्रथम श्रेणी सामने खेळले होते. वडिलांच्या निधनानंतर देखील खेळले... १९६९ मध्ये मुंबई आणि बंगाल यांच्यात रणजी ट्रॉफीची फायनल सुरू होती. हा सामना मुंबईच्या क्रिकेट क्लब ऑफ इंडिया म्हणजे सीसीआय मैदानावर होणार होता. सामन्याच्या सहा दिवस आधी सोलकर यांचे वडील हिंदू जिमखान्याच्या पायऱ्यांवरून घसरून पडले आणि कोमामध्ये गेले. तरी देखील सोलकरांनी सामना खेळण्याचा निर्णय घेतला. त्यांना अशी आशा होती की वडील ठिक होतील. पण तसे झाले नाही. सामन्याच्या दुसऱ्या दिवशी मुंबईने २ बाद ३०० धावा केल्या होत्या. मैदानावर सोलकर आणि मिलिंद रेगे फलंदाजी करत होते. त्याच दिवशी सोलकर यांच्या वडिलांचे निधन झाले. सोलकर यांनी दुसऱ्या दिवशी सकाळी वडिलांचे अत्यसंस्कार केले आणि ते फलंदाजीला उतरले. सोलकर यांनी २९ धावा केल्या आणि संघाला आघाडी मिळून दिले. अखेर मुंबईने ही लढत जिंकली आणि रणजी विजेतेपद मिळवले. सोलकर यांचा विक्रम सोलकर यांनी भारताकडून २७ कोसीटत २५.४२च्या सरासरीने १ हजार ६८ धावा केल्या. यात एका शतकाचा समावेश होतो. तर ७ वनडे सामन्यात २७ धावा केल्या. प्रथम श्रेणीच्या १८९ सामन्यात त्यांनी ६ हजार ८५१ धावा केल्या होत्या. त्यांची सरासरी २९.२७ इतकी होती. यात ८ शतक आणि ३६ अर्धशतक होती. प्रथम श्रेणीत त्यांनी १९० कॅच पकडले होते. सोलकर यांनी ऑक्टोबर १९६९ मध्ये न्यूझीलंडविरुद्ध हैदारबाद येथे पहिला सामना तर जानेवारी १९७७ मध्ये इंग्लंडविरुद्ध अखेरचा सामना खेळला होता.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/30R2AhP
No comments:
Post a Comment