सिडनी, : भारताचा अर्धशतकवीर सलामीवीर शुभमन गिल यावेळी ऑस्ट्रेलियाच्या खेळाडूवर चांगलाच भडकलेला पाहायला मिळाला. गिलचा पारा एवढा चढला होता की, मॅच संपल्यावर तु मला भेट, असे म्हणायलाही गिल कचरला नाही. नेमकं घडलं तरी काय...गिल आणि रोहित शर्मा यांनी भारताच्या डावाची चांगली सुरुवात केली होती. हे ऑस्ट्रेलियाच्या खेळाडूंना पाहवत नव्हते आणि त्यामुळेच त्यांनी स्लेजिंग करायला सुरुवात केली. ऑस्ट्रेलियाचा खेळाडू मार्नल लाबुशेनने यावेळी रोहित शर्माबरोबरही स्लेजिंग केली. लाबुशेनने रोहितला विचारले की, तुझा क्वारंटाइनचा कखडतर काळ नेमका कसा होता? या प्रश्नावर रोहितने लाबुशेनला कोणतेच उत्तर दिले नाही. रोहितने यावेळी आपल्या बॅटनेच ऑस्ट्रेलियाच्या संघाला उत्तर देत होता. लाबुशेनने यावेळी गिलबरोबरही स्लेजिंग करण्याचा प्रयत्न केला. लाबुशेन गिलला म्हणाला की, " तुझा आवडता खेळाडू कोण आहे, सचिन तेंडुलकर की विराट कोहली?" पहिल्यांदा या प्रश्नावर गिलने लाबुशेनला कोणतेच उत्तर दिले नाही. पण लाबुशेन सातत्याने गिलला त्रास देत होता. त्यानंतर लाबुशेनने गिलला पुन्हा एकदा विचारले की, " तुझा आवडता खेळाडू सचिन आहे की विराट, तुमच्या संघाला यावेळी विराटची सर्वात जास्त आठवण येत असेल ना?" यानंतर मात्र गिलने आपले मौन सोडले. गिल लाबुशेनला म्हणाला की, " सामना संपल्यावर मला भेट, तुला तुझ्या सर्व प्रश्नांची उत्तरं मी देतो." भारताच्या डावाची सुरूवात रोहित शर्मा आणि शुभमन गिल यांनी केली. या दोघांनी पहिल्या विकेटसाठी ७० धावांची भागिदारी केली. ही जोडी टीम इंडियाला मोठी धावसंख्या उभी करून देईल असे वाटत असताना जोश हेजलवुडने रोहितला २७ धावांवर बाद केले. त्यानंतर गिलने कसोटी करिअरमधील पहिले अर्धशतक पूर्ण केले. पण अर्धशतकानंतर तो लगेच बाद झाला. दोन्ही सलामीवीर कमी अंतराने बाद झाल्याने भारताची अवस्था २ बाद ८५ अशी झाली. त्यानंतर अजिंक्य रहाणे आणि चेतेश्वर पुजार यांनी विकेट पडू दिली नाही. भारत आणि ऑस्ट्रेलिया यांच्यात सुरू असलेल्या तिसऱ्या कसोटी सामन्याच्या दुसऱ्या दिवसाचा खेळ संपला असून भारताने २ बाद ९६ धावा केल्या आहेत. भारताचा कर्णधार अजिंक्य रहाणे आणि चेतेश्वर पुजारा मैदानात आहेत. भारत अद्याप २४२ धावांनी पिछाडीवर आहे. ऑस्ट्रेलियाचा फलंदाज स्टीव्ह स्मिथ (Steven Smith)चे शानदार शतक आणि भारताचा अष्टपैलू रविंद्र जडेजा (Ravindra Jadeja) गोलंदाजी ही दुसऱ्या दिवसाच्या डावाचे मुख्य वैशिष्ट ठरले.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3s7N90O
No comments:
Post a Comment