सिडनी, AUS vs IND: आपल्या मुलाच्या करिअरसाठी पालकांना बराच त्याग करावा लागतो. आपल्या मुलाच्या करिअरसाठी त्याच्या वडिलांनी चक्क सरकारी नोकरी सोडली. पण आता त्यांच्या मुलाने भारताचे नाव उंचावले असून या गोष्टीचा त्यांनाही अभिमान आहे. ही गोष्ट आहे भारताचा युवा वेगवान गोलंदाज नवदीप सैनीची. घर चालवण्यासाठी नवदीपचे वडिल हे हरयाणा सरकारमध्ये ड्राइव्हिंग करायचे. पण मुलाच्या करिअरसाठी त्यांनी ही सरकारी नोकरी सोडली आणि फक्त आपल्या मुलाच्या करिअरवर लक्ष केंद्रीत केले. नवदीपने आजच्या सामन्यात ऑस्ट्रेलियाच्या सलामीवीराला बाद करत भारतीय संघाला मोठे यश मिळवून दिल्याचे पाहायला मिळाले. त्याचबरोबर आतापर्यंतच्या प्रवासात नवदीप आपल्या वडिलांनी कधीही विसरला नाही. वडिलांना दिली गाडीची भेटनवदीपचे वडिल हे ड्राइव्हिंग करायचे. पण मुलासाठी त्यांना नोकरी सोडावी लागली. पण नवदीपकडे जेव्हा पैसे जमा झाले तेव्हा त्याने आपल्या वडिलांना गाडी भेट दिल्याचेही पाहायला मिळाले. याबाबत नवदीपचे वडिल अमरजित म्हणाले की, " पूर्वी मी ड्राइव्हिंग करायचो, अन्य लोकांच्या गाड्या चालवायचो. पण आता मी माझी स्वत:ची गाडी चालवतो. हा आमच्या आयुष्यात झालेला बदल हा विलक्षण आहे. नवदीपने यावेळी एक चांगली बाईकही घेतलेली आहे." टेनिस बॉल क्रिकेटने केली सुरुवात...नवदीपने टेनिस बॉलने आपल्या क्रिकेटला सुरुवात केली. टेनिस क्रिकेटमध्ये नवदीप हा चांगलाच प्रसिद्ध होता. त्यावेळी एक सामना खेळण्यासाठी नवीपला २०० रुपये मिळायचे. पण दिल्लीचा माजी क्रिकेटपटू सुमित नरवालने नवदीपला टेनिस क्रिकेट खेळताना पाहिले आणि त्याला दिल्लीच्या संघाच्या ट्रायलसाठी घेऊन आला. त्यानंतर दिल्लीचा कर्णधार गौतम गंभीरला नवदीपची गोलंदाजी आवडली. पण त्याला संघात घेण्यात बऱ्याच समस्या जाणवत होत्या. त्यावेळी गंभीर हा नवदीपच्या पाठिशी ठाम उभ राहीला आणि त्यामुळेच त्याला दिल्लीच्या संघाकडून खेळता आले. दिल्लीकडून खेळताना नवदीपने नेत्रदीपक कामगिरी केली. त्यानंतर आयपीएलमधील आरसीबीच्या संघाने नवदीपला तीन कोटी रुपये देत आपल्या संघात स्थान दिले.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2JRaFhs
No comments:
Post a Comment