सिडनी, : तिसऱ्या कसोटी सामन्याच्या पहिल्याच दिवशी भारताचा अनुभवी फिरकीपटू आर. अश्विन यष्टीरक्षक रिषभ पंतवर चांगलाच भडकलेला पाहायला मिळाला. अश्विनचा राग यावेळी अनावर झाला होता. या गोष्टीचा व्हिडीओ सध्याच्या घडीला चांगलाच व्हायरल झाल्याचे पाहायला मिळत आहे. दुसरा सामना गाजवल्यावर अश्विनने या सामन्याच्या पहिल्या दिवशीही चांगली गोलंदाजी केली. पहिल्या दिवशी जेव्हा ऑस्ट्रेलियाचा सलामीवीर विल पुकोव्हस्की हा जेव्हा २६ धावांवर खेळत होता. तेव्हा अश्विनने पुकोव्हस्कीला चांगलेच चकवले होते. यावेळी पुकोव्हस्कीच्या बॅटची कडा अश्विनने टाकलेल्या चेंडूने घेतली होती. त्यावेळी हा चेंडू थेट पंतच्या ग्लोव्हजमध्ये जात होता. पंतसाठी हा एक सोपा झेल होता. पण पंतने हा झेल सोडला आणि त्यानंतर अश्विन चांगलाच भडकलेला पाहायला मिळाला. या जीवदानाचा चांगलाच फायदा पुकोव्हस्कीने उठवला आणि त्याने या सामन्यात अर्धशतकही झळकावले. पुकोव्हस्कीला मिळालेले हे पहिले जीवदान होते. त्यानंतरच्या पुढच्याच षटकात मोहम्मद सिराजच्या गोलंदाजीवर पंतने पुन्हा एकदा एक झेल सोडला. या दोन जीवदानांचा चांगलाच फायदा यावेळी पुकोव्हस्कीला मिळालाय त्याचबरोबर २९ व्या षटकात पुकोव्हस्कीला धावचीत करण्याची संधी भारताचा वेगवान गोलंदाज जसप्रीत बुमराकडेही होती. पण यावेळी बुमराचा पाय घसरला आणि पुकोव्हस्कीला तिसऱ्यांदा जीवदान मिळाल्याचे पाहायला मिळाले. त्यानंतर पुकोव्हस्कीने अर्धशतक झळकावले. त्याचबरोबर या मैदानात पदार्पणात अर्धशतक झळकावणारा पुकोव्हस्की हा ऑस्ट्रेलियाचा सर्वात युवा खेळाडू ठरला. भारत आणि ऑस्ट्रेलिया यांच्यातील तिसरा कसोटी सामना सिडनी क्रिकेट मैदानावर सुरू आहे. ऑस्ट्रेलियाचा कर्णधार टीम पेन याने नाणेफेक जिंकून प्रथम फलंदाजी करण्याचा निर्णय घेतला. भारताचा जलद गोलंदाज मोहम्मद सिराज (mohammed siraj)ने चौथ्याच ओव्हरमध्ये मोठी विकेट घेतली. त्याने डेव्हिड वॉर्नरला ५ धावांवर बाद केले. पण आठव्या ओव्हरमध्ये पावसाला सुरूवात झाली आणि खेळ थांबवण्यात आला. जलद गोलंदाज मोहम्मद सिराजला दुसऱ्या कसोटी सामन्यात पदार्पणाची संधी मिळाली. त्याने पहिल्याच सामन्यात चमकदार कामगिरी केली. दुसऱ्या कसोटीत देखील त्याने वॉर्नरची विकेट घेतली. पण त्याआधी सामना सुरू होण्याआधी जेव्हा सिडनी मैदानावर जेव्हा भारताचे राष्ट्रगीत सुरू झाले तेव्हा सिराजच्या डोळ्यातून आश्रू आले.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3bi7tqu
No comments:
Post a Comment