सिडनी, 3rd Test: भारताचा कर्णधार अजिंक्य रहाणेने भारताला दुसऱ्या कसोटी सामन्यात विजय मिळवून दिला आणि त्यानंतर त्याच्यावर कौतुकाचा वर्षाव व्हायला लागला. आता तर अजिंक्यकडे भारताचा माजी यशस्वी कर्णधार महेंद्रसिंग धोनीच्या विक्रमाशी बरोबरी करण्याची सुवर्णसंधी चालून आली आहे. अजिंक्यने २०१७ साली पहिल्यांदाच भारताचे नेतृत्व केले आणि त्याने ऑस्ट्रेलियाविरुद्धच्या सामन्यात भारताला विजय मिळवून दिला होता. त्यानंतर २०१८ साली अजिंक्यच्या नेतृत्वाखाली भारताने अफगाणिस्तानवर विजय मिळवला होता. आता अजिंक्यच्या कप्तानीखाली भारताने ऑस्ट्रेलियाविरुद्धच्या दुसऱ्या कसोटी सामन्यात विजय मिळवत संघाला १-१ अशी बरोबरी करून दिली आहे. पण आता अजिंक्यकडे धोनीच्या विक्रमाशी बरोबरी करण्याची नामी संधी आहे. धोनीच्या नेतृत्वाखाली भारतीय संघाने सलग चार कसोटी सामने जिंकले होते. जर ऑस्ट्रेलियाविरुद्धच्या तिसऱ्या कसोटी सामन्यात जर अजिंक्यच्या नेतृत्वाखाली भारतीय संघाने विजय मिळवला तर रहाणे धोनीशी सलग चार विजयांच्या विक्रमाशी बरोबरी करू शकतो. त्यामुळे अजिंक्यच्या नेतृत्वाखील भारतीय संघ तिसऱ्या सामन्यात विजय मिळवणार का आणि रहाणेला धोनीच्या विक्रमाशी बरोबरी करता येणार का, याची उत्सुकता सर्वांनाच असेल. भारताचा धडाकेबाज फलंदाज रोहित शर्माची तिसऱ्या कसोटीसाठी भारतीय संघात निवड करण्यात आली आहे. पण या कसोटीत रोहित नेमका कोणत्या स्थानावर खेळणार, याबाबत कर्णधार अजिंक्य रहाणेने आपले मत स्पष्ट केले आहे. रोहितच्या स्थानाबद्दल अजिंक्य म्हणाला की, " रोहित शर्मासारखा अनुभवी फलंदाज भारतीय संघात दाखल झाला आहे. त्याचबरोबर रोहितने नेट्समध्ये कसून सराव केला आहे. रोहितने गेल्या काही सामन्यांमध्ये दमदार फलंदाजी केली आहे आणि त्याचाच फायदा संघाला झाला आहे. त्यामुळे ऑस्ट्रेलियाविरुद्धच्या तिसऱ्या कसोटी सामन्यात रोहित सलामीवीर म्हणून खेळायला येईल." तिसऱ्या कसोटी सामन्यासाठी भारतीय संघ कसा असेल? असा आहे भारतीय संघ- अजिंक्य रहाणे (कर्णधार), रोहित शर्मा (उपकर्णधार), शुभमन गिल, चेतेश्वर पुजारा, हनुमा विहारी, ऋषभ पंत (विकेटकिपर), रविंद्र जडेजा, आर अश्विन, जसप्रीत बुमराह, मोहम्मद सिराज, नवदीप सैनी.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3hOO4yA
No comments:
Post a Comment