अॅडलेड, : पहिल्या कसोटी सामन्याच्या दुसऱ्या दिवशी भारताचे माजी कर्णधार आणि समालोचक सुनील गावस्कर हे भारतीय खेळाडूंवर चांगलेच भडकलेले पाहायला मिळाले. भारतीय खेळाडूंचा त्यांनी यावेळी चांगलाच समाचार घेतला. पण भारतीय खेळाडूंकडून अशी कोणती गोष्ट घडली की, गावस्कर हे चांगलेच भडकलेले पाहायला मिळाले. दुसऱ्या दिवशी भारतीय संघाला जास्त धावा करता आल्या नाहीत. पण तरीही भारताच्या गोलंदाजांनी अचूक आणि भेदक मारा करत ऑस्ट्रेलियाच्या फलंदाजांना चांगलेच वेठिस धरले होते. ऑस्ट्रेलियाचा संघ दडपणाखाली होती. पण यावेळी भारताच्या खेळाडूंनी तीन चुका केल्या आणि त्या संघाला चांगल्याच भारी पडल्या. त्यामुळे गावस्कर यावेळी भारतीय खेळाडूंवर चांगलेच भडकले होते. या सामन्यात ऑस्ट्रेलियाचा फलंदाज मार्नस लाबुशेनला यावेळी तीनवेळा जीवदान मिळाले. बुमरा आणि वृद्धिमाना साहा या दोघांनीही लाबुशेनला जीवदान दिल्याचे पाहायला मिळाले. त्याचबरोबर पृथ्वी शॉ याने यावेळी लाबुशेनचा एक सोपा झेल सोडला. त्यावेळी गावस्कर हे समालेचन करत होते आणि ते भारतीय खेळाडूंवर भडकलेले पाहायला मिळाले. यावेळी गावस्कर यांनी समालोचन करताना सांगितले की, " मी भारताचे क्षेत्ररक्षण पाहत आहे आणि ते निराशाजनक आहे. माझ्यामते भारतीय खेळाडू ख्रिसमसच्या मुडमध्ये आहेत. त्यामुळेच एक आठवड्यापूर्वी ते ख्रिसमसचे गिफ्ट देत आहेत." पृथ्वीने जी लाबुशेनची कॅच सोडली ही गोष्टी घडली ती २३व्या षटकात. त्यावेळी भारताचा जसप्रीत बुमरा गोलंदाजी करत होता. या षटकात बुमराने एक बाऊन्सर टाकला. या बाऊन्सरवर मार्नस लाबुशेनने पुलचा फटका मारला. त्यावेळी हा चेंडू हवे उडाला आणि पृथ्वी तिथे फिल्डिंग करत होता. पृथ्वीसाठी हा एक चांगला झेल होता. पण पृथ्वी यावेळी गडबडला आणि त्याने हा झेल सोडला. त्यानंतर कोहलीचा राग अनावर झाला आणि कोहलीने पृथ्वीला शिवी दिल्याची चर्चा चाहते करत होते. पृथ्वी सध्याच्या घडीला चांगल्या फॉर्ममध्ये नाही. त्याच्या बॅटमधून जास्त धावा निघत नाहीत. पहिल्या डावात तर पृथ्वीला भोपळाही फोडता आला नव्हता. त्याचबरोबर त्याला चांगली फिल्डींगही करायला जमत नसल्याचे यावेळी पाहायला मिळाले. लाबुशेनला यावेळी तीन जीवदान मिळाले. बुमरा आणि वृद्धिमाना साहा या दोघांनीही लाबुशेनला जीवदान दिल्याचे पाहायला मिळाले.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3h2wpmS
No comments:
Post a Comment