अॅडलेड, : आजच्या दिवशीही विराट कोहली चर्चेत राहिल्याचे पाहायला मिळाले. कारण या सामन्यात सुरुवातीला कोहलीने पृथ्वी शॉला कॅच सोडल्याबद्दल चांगलेच सुनावले होते. पण त्यानंतर अप्रतिम झेल कसा टिपायचा, याचा उत्तम वस्तुपाठही दाखवून दिला. कोहलीने यावेळी भन्नाट झेल पकडला असून त्याचा व्हिडीओ चांगलाच व्हायरल होत असल्याचे पाहायला मिळत आहे. भारताने ऑस्ट्रेलियाची ४ बाद ६५ अशी अवस्था केली होती. भारताचा फिरकीपटू आर. अश्विन भेदक गोलंदाजी करत होता. त्यावेळी अजून एक विकेट मिळायला हवी, असे भारतीय चाहत्यांना वाटत होते. पण त्यावेळी ऑस्ट्रेलियाचा कॅमेरुन ग्रीन हा अश्विनची गोलंदाजी सांभाळून खेळत होता आणि त्याच्या समोर फलंदाजी करत असलेल्या मार्नस लाबुशेनला तीन जीवदानं मिळाली होती. पण अश्विनने यावेळी ग्रीनला मोठा फटका मारण्याची एक संधी दिली. त्यावर ग्रीनने मोठा फका मारण्याचा प्रयत्नही केला. हा फटका आत चौकार जाईल, असे वाटत होते. पण त्यावेळी कोहलीने सुपरमॅनसारखी हवेत उडी मारत भन्नाट झेल टिपल्याचे पाहायला मिळाले. कोहलीचा हा झेल चाहत्यांना चांगलाच आवडला. त्याचबरोबर या झेलचा व्हिडीओ आता चांगलाच व्हायरल व्हायला लागला आहे. भारताचा कर्णधार विराट कोहली हा सामन्याच्या दुसऱ्या दिवशी चांगलाच भडकलेला पाहायला मिळाला. पृथ्वी शॉकडून क्षेत्ररक्षण करताना मोठी चुक झाल्याचे पाहायला मिळाले. त्यानंतर कोहलीचा संताप अनावर झाला आणि त्याने पृथ्वीला अपशब्द वापरले. पृथ्वीने यावेळी नेमकी कोणती मोठी चुक केली, याचा व्हिडीओ सध्याच्या घडीला चांगलाच व्हायरल झालेला पाहायला मिळत आहे. ही गोष्टी घडली ती २३व्या षटकात. त्यावेळी भारताचा जसप्रीत बुमरा गोलंदाजी करत होता. या षटकात बुमराने एक बाऊन्सर टाकला. या बाऊन्सरवर मार्नस लाबुशेनने पुलचा फटका मारला. त्यावेळी हा चेंडू हवे उडाला आणि पृथ्वी तिथे फिल्डिंग करत होता. पृथ्वीसाठी हा एक चांगला झेल होता. पण पृथ्वी यावेळी गडबडला आणि त्याने हा झेल सोडला. त्यानंतर कोहलीचा राग अनावर झाला आणि कोहलीने पृथ्वीला शिवी दिल्याची चर्चा चाहते करत होते. पृथ्वी सध्याच्या घडीला चांगल्या फॉर्ममध्ये नाही. त्याच्या बॅटमधून जास्त धावा निघत नाहीत. पहिल्या डावात तर पृथ्वीला भोपळाही फोडता आला नव्हता. त्याचबरोबर त्याला चांगली फिल्डींगही करायला जमत नसल्याचे यावेळी पाहायला मिळाले. लाबुशेनला यावेळी तीन जीवदान मिळाले. बुमरा आणि वृद्धिमाना साहा या दोघांनीही लाबुशेनला जीवदान दिल्याचे पाहायला मिळाले.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3ajMnYp
No comments:
Post a Comment