एडिलेड: फिरकीपटू आर अश्विनने केलेल्या धमाकेदार गोलंदाजीच्या जोरावर पहिल्या कसोटी सामन्यात भारताने ऑस्ट्रेलियाला पहिल्या डावात १९१ धावांवर गुंडाळले आणि ५३ धावांची महत्त्वाची आघाडी घेतली. दुसऱ्या दिवशी ऑस्ट्रेलियाने भारताचा डाव २४४ धावांवर संपुष्ठात आणला. पण त्यानंतर , अश्विन आणि उमेश यादव यांनी ऑस्ट्रेलियाच्या फलंदाजांना गोलंदाजीवर नाचवले. वाचा- दुसऱ्या दिवशी भारताने कालच्या ६ बाद २३३ धावसंख्येवरुन पुढे खेळण्यास सुरूवात केली. वृद्धीमान साहा आणि यांनी डावाला सुरूवात केली. पण दिवसाच्या पहिल्याच ओव्हरमध्ये अश्विन बाद झाला. त्यानंतरच्या दुसऱ्या ओव्हरमध्ये साहा ९ धावांवर माघारी परतला. त्यानंतर उमेश यादव (६) आणि मोहम्मद शमी यांना बाद करत ऑस्ट्रेलियाने भारताचा पहिला डाव २४४ वर संपुष्ठात आणला. भारताला कालच्या धावसंख्येत फक्त ११ धावांची भर टाकता आली. वाचा- ऑस्ट्रेलियाकडून मिचेल स्टार्कने ५३ धावात ४ विकेट घेतल्या. तर पॅट कमिंन्सने ४८ धावात ३ विकेट, जोश हेजलवूड आणि नाथन लॉयन यांनी प्रत्येकी एक विकेट घेतली. वाचा- ऑस्ट्रेलियाकडून मॅथ्यू वेड आणि जो बर्न्स यांनी डावाची सुरूवात केली. या जोडीने पहिली धाव घेण्यासाठी २८ चेंडू घेतले. ऑस्ट्रेलिया संघाची कसोटी क्रिकेटच्या इतिहासातील ही सर्वात संथ सुरूवात झाली. १५व्या षटकात जसप्रीत बुमराहने मॅथ्यू वेडची विकेट घेत भारताला पहिले यश मिळून दिले. वेड ८ धावांवर माघारी परतला. त्यानंतर १७व्या षटकात पुन्हा एकदा बुमराहने ऑस्ट्रेलिया धक्का दिला. त्याने ज बर्न्सला ८ धावांवर माघारी पाठवले आणि यजमानांची अवस्था २ बाद २९ अशी केली. वाचा- सलामीची जोडी बाद झाल्यानंतर मैदानावर स्टीव्ह स्मिथ आणि मार्सन लाबुशाने हे सर्वात दमदार फलंदाज होते. पण आर अश्विनने स्मिथला १ वर बाद करून ऑस्ट्रेलियाला मोठा धक्का दिला. स्मिथने २९ चेंडू खेळले. त्यानंतर अश्विननेच ट्रॅव्हिस हेड ७ धावांवर बाद करून ऑस्ट्रेलियाची अवस्था ४ बाद ६५ अशी केली. दुसऱ्या सत्राचा खेळ संपण्याआधी अश्विनने कॅमरून ग्रीनला ११ वर माघारी पाठवले आणि ऑस्ट्रेलियाचा निम्म संघ माघारी पाठवला. तिसऱ्या सत्रात ऑस्ट्रेलियाने ५ बाद ९२ धावसंख्येवरून खेळण्यास सुरुवात केली. वाचा- लाबुशाने हा एकाबाजूने अँकर टाकून खेळत होता. पण भारतासाठीचा हा अडथळा उमेश यादवने दूर केला. उमेशने लाबुशानेला ४२ धावांवर बाद केले. त्यानंतर त्याच ओव्हरमध्ये उमेशने पॅट कमिन्सला शून्यावर बाद करत ऑस्ट्रेलियाची अवस्था ७ बाद १११ अशी केली. कमिन्सच्या जागी आलेल्या मिचेल स्टार्कने कर्णधार पेन सोबत वेगाने धावा करण्याचा प्रयत्न केला. पण एक चोरटी धाव घेण्याच्या प्रयत्नात स्टार्क धावबाद झाला. दरम्यान ऑस्ट्रेलियाचा कर्णधार पेनने अर्धशतक झळकावले. अश्विनने लायनला १० धावांवर बाद करत ऑस्ट्रेलियाची नववी विकेट घेतली. अखेर उमेश यादवने जोश हेजलवुडची विकेट घेत ऑस्ट्रेलियाचा १९१ धावांवर डाव संपुष्ठात आणला. भारताकडून आर अश्विनने सर्वाधिक ४, उमेश यादवने ३ तर जसप्रीत बुमराहने दोन विकेट घेतल्या. ऑस्ट्रेलियाकडून कर्णधार टीम पेन एकटा लढला, त्याने नाबाद ७३ धावा केल्या.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3p7NNJJ
No comments:
Post a Comment