सिडनी, : भारताचा कर्णधार विराट कोहलीला जास्त धावा करण्यापासून रोखण्यासाठी ऑस्ट्रेलियाचे प्रशिक्षक जस्टीन लँगर यांनी खास रणनिती आखली आहे. या रणनितीनुसार कोहलीला लवकर बाद कसे केले जाईल, हे लँगर यांनी ठरवले आहे. त्यामुळे पहिल्या कसोटी सामन्यात कोहली जास्त धावा करणार की ऑस्ट्रेलियाचा संघ त्याला रोखणार, हे पाहणे महत्वाचे ठरणार आहे. त्याचबरोबर कोहलीबरोबर यावेळी स्लेजिंग करणार की नाही, असा प्रश्न लँगर यांना विचारण्यात आला. या प्रश्नाला लँगर यांनी नेमके काय उत्तर दिले आहे, पाहा... लँगर यांनी यावेळी सांगितले की, " विराट कोहली हा सध्याच्या घडीला महान फलंदाजांमध्ये मोडतो. पण कोहलीला खेळताना आम्ही बऱ्याचदा पाहिले आहे. जेव्हा तुम्ही प्रतिस्पर्धी खेळाडूला खेळताना पाहत असता तेव्हा त्याचे कच्चे दुवे नेमके काय आहेत, हे समजते. या गोष्टीचाच फायदा आम्ही यावेळी उचलणार आहोत. त्यासाठी कोहलीविरुद्ध खेळताना आम्ही खास रणनिती वापरणार आहोत. त्यामुळे कोहलीला झटपट कसे बाद करायचे, यासाठी आम्ही खआस रणनिती तयार केली आहे." कोहलीविरुद्ध स्लेजिंग करणार की नाही...ऑस्ट्रेलियाचे खेळाडू हे शाब्दिक बाण सोडण्यात पारंगत असल्याचे सर्वांनीच पाहिले आहे. पण विराट कोहली हा आक्रमक खेळाडू आहे. त्याने आतापर्यंत 'आरे ला कारे' अशी उत्तर दिली आहेत. त्यामुळे कोहलीबरोबर यावेळी स्लेजिंग करणार की नाही, असा प्रश्न लँगर यांना विचारण्यात आला. यावेळी लँगर यांनी सांगितले की, " खेळामध्ये काही वेळा भावना यादेखील महत्वाच्या ठरत असतात. पण कोहलीबरोबर आम्ही स्लेजिंग करणार की नाही, यााबाबत मी सांगणार नाही. माझ्यामते कोहली हा एक गुणवान खेळाडू आहे. त्यामुळे त्याच्याविरुद्ध खेळताना आम्हाला बऱ्याच गोष्टींचा वापर करावा लागणार आहे." कसोटी मालिका१) पहिली कसोटी- १७ ते २१ डिसेंबर, एडिलेड ओव्हल- डे/नाईट (सकाळी ९ वाजता) २) दुसरी कसोटी- २६ ते ३० डिसेंबर, मेलबर्न (पहाटे ५ वाजता) ३) तिसरी कसोटी- ७ ते ११ जानेवारी २०२१, सिडनी (पहाटे ५ वाजता) ४) चौथी कसोटी- १५ ते १९ जानेवारी, २०२१, गाबा (पहाटे साडे पाच वाजता) भारताच्या या दौऱ्यातील सर्व सामन्याचे लाइव्ह प्रक्षेपण सोनी सिक्स आणि डीडी स्पोट्स वर होणार आहे. या शिवाय Sony LIVवर लाइव्ह स्ट्रीमिंग होईल. कसोटी मालिका फक्त सोनी सिक्स आणि Sony LIV वर दिसेल. या शिवाय भारतीय संघ दोन सराव सामने खेळणार आहे. या सामन्याचे लाइव्ह प्रक्षेपण क्रिकेट ऑस्ट्रेलियाच्या अॅपवर केले जाणार आहे. भारत आणि ऑस्ट्रेलिया यांच्या लढतीचे LIVE UPDATE आणि स्कोअरकार्ड महाराष्ट्र टाइम्सच्या वेबसाइटवर तुम्ही पाहू शकता.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/34cqDcQ
No comments:
Post a Comment