Ads

Tuesday, December 15, 2020

आयसीसीची कसोटी क्रमवारी झाली जाहीर, कर्णधार कोहलीसह या दोन खेळाडूंना मिळाले मानाचे स्थान

दुबई : आयसीसीने आपली कसोटी क्रमवारी आज जाहीर केली आहे. या क्रमवारीत भारताचा कर्णधार विराट कोहलीसह अजिंक्य रहाणे आणि चेत्श्वर पुजारा यांनी मानाचे स्थान पटकावले आहे. कोहलीने यावेळी ८८६ गुणांसह या क्रमवारीत दुसरे स्थान पटकावले आहे. या क्रमवारीत ऑस्ट्रेलियाचा माजी कर्णधार आणि धडाकेबाज फलंदाज स्टीव्हन स्मिथ हा ९११ गुणांसह पहिल्या स्थानावर आहे. त्याचबरोबर भारताच्या अजिंक्य आणि चेतेश्वर या दोन्ही तंत्रशुद्ध फलंदाजांनी या क्रमवारीत अव्वल १० जणांमध्ये आपले स्थान कायम राखले आहे. चेतेश्वर पुजारा या क्रमवारीत सातव्या स्थानावर आहे. चेतेश्वरच्या नावावर ७७६ गुण जमा आहेत. अजिंक्यने यावेळी क्रमवारीत दहावे स्थान पटकावले आहेत आणि त्याच्या नावावर ७२६ गुण जमा आहे. आता ऑस्ट्रेलियाविरुद्धच्याकसोी मालिकेत अजिंक्य आणि पुजारा हे कशी फलंदाजी करतात, याकडे सर्वांचेच लक्ष आहे. या क्रमवारीत तिसरे स्थान न्यूझीलंडचा कर्णधार केन विल्यमसनने पटकावले आहे, तर चौथ्या स्थानावर ऑस्ट्रेलियाचा फलंदजा मार्नस लाबुशेन आहे. पाकिस्तानचा बाबर आझम आणि ऑस्ट्रेलयाचा धडाकेबाज सलामीवीर डेव्हिड वॉर्नर यांनी क्रमवारीतील पुढचे स्थान पटकावले आहे. सध्याच्या घडीला संपूर्ण क्रिकेट विश्वाचे लक्ष हे भारत आणि ऑस्ट्रेलिया यांच्यातील कसोटी मालिकेवर असणार आहे. कारण गेल्यावेळी भारतीय संघाने ऑस्ट्रेलियाला २-१ असे पराभूत केले होते. त्यामुळे यावेळीही भारतीय संघ विजय मिळवणार का, याची उत्सुकता सर्वांनाच असेल. कसोटी मालिका१) पहिली कसोटी- १७ ते २१ डिसेंबर, एडिलेड ओव्हल- डे/नाईट (सकाळी ९ वाजता) २) दुसरी कसोटी- २६ ते ३० डिसेंबर, मेलबर्न (पहाटे ५ वाजता) ३) तिसरी कसोटी- ७ ते ११ जानेवारी २०२१, सिडनी (पहाटे ५ वाजता) ४) चौथी कसोटी- १५ ते १९ जानेवारी, २०२१, गाबा (पहाटे साडे पाच वाजता) भारताच्या या दौऱ्यातील सर्व सामन्याचे लाइव्ह प्रक्षेपण सोनी सिक्स आणि डीडी स्पोट्स वर होणार आहे. या शिवाय Sony LIVवर लाइव्ह स्ट्रीमिंग होईल. कसोटी मालिका फक्त सोनी सिक्स आणि Sony LIV वर दिसेल. या शिवाय भारतीय संघ दोन सराव सामने खेळणार आहे. या सामन्याचे लाइव्ह प्रक्षेपण क्रिकेट ऑस्ट्रेलियाच्या अॅपवर केले जाणार आहे. भारत आणि ऑस्ट्रेलिया यांच्या लढतीचे LIVE UPDATE आणि स्कोअरकार्ड महाराष्ट्र टाइम्सच्या वेबसाइटवर तुम्ही पाहू शकता.


from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3nqpOVy

No comments:

Post a Comment

BJP’s Rajya Sabha strength falls below 100; may rise soon

A month after touching the mark of 100 seats for the first time in Rajya Sabha, BJP’s numerical strength has come down to 95 as five of its ...