Ads

Tuesday, December 15, 2020

IND vs AUS : भारताला 'या' खेळाडूची उणीव नक्कीच जाणवेल, पाहा अजिंक्य रहाणेचा खास व्हिडीओ

सिडनी : भारताचा ऑस्ट्रेलिया दौऱ्यातील पहिला कसोटी सामना १७ डिसेंबरला सुरु होणार आहे. या सामन्यासाठी भारतीय संघ कसून सराव करत आहे. पण या कसोटी मालिकेत भारतीय संघाला एका खेळाडूची उणीव नक्कीच जाणवेल, असे मत भारताचा उपकर्णधार आणि शैलीदार फलंदाज अजिंक्य रहाणेने व्यक्त केले आहे. यावेळी अजिंक्य म्हणाला की, " भारतीय संघ पहिल्या कसोटी सामन्यासाठी सज्ज होत आहे. पण यावेळी भारतीय संघाला एका खेळाडूची उणीव नक्कीच जाणवेल आणि तो खेळाडू म्हणजे इशांत शर्मा. कारण इशांत संघातील वरिष्ठ वेगवान गोलंदाज आहे. त्याच्याकडे कसोटी क्रिकेटचा चांगला अनुभव आहे. त्यामुळे त्याची उणीव आम्हाला या कसोटी मालिकेत नक्कीच जाणवेल. पण इशांत संघात नसताना जसप्रीत बुमरा आणि मोहम्मद शमी हे वेगवान गोलंदाजीचे सारथ्य करतील. त्याचबरोबर उमेश यादव, ,मोहम्मद सिराज आणि नवदीप सैनीसारखे गोलंदाज त्यांना चांगली साथ देऊ शकतात." रहाणेने पुढे सांगितले की, " लाल आणि गुलाबी या दोन्ही चेंडूंमध्ये फरक आहे. गुलाबी चेंडू हा सामना सुरु झाल्यावर ४०-५० मिनिटांनंतर चांगलाच वेगाने येतो. त्यामुळे त्यावेळी फलंदाजी करणे आव्हानात्मक असू शकते. त्यावेळी फलंदाजांचा नक्कीच कस लागू शकतो. त्यामुळे पहिल्या कसोटी सामन्यात गुलाबी चेंडूचा समर्थपणे सामान कसा करायचा, याची रणनिती आम्ही आखत आहोत. पण भारताकडे फलंदाजीमध्ये यावेळी बरेच पर्याय आहेत. पृथ्वी शॉ, मयांक अगरवाल, लोकेश राहुल, शुभमन गिल, हनुमा विहारी असे एकापेक्षा एक चांगले सलामीवीर भारताकडे आहेत. त्यामुळे भारतीय संघाला जास्त समस्या जाणवणार नाही, असे मला वाटते." कसोटी मालिका१) पहिली कसोटी- १७ ते २१ डिसेंबर, एडिलेड ओव्हल- डे/नाईट (सकाळी ९ वाजता) २) दुसरी कसोटी- २६ ते ३० डिसेंबर, मेलबर्न (पहाटे ५ वाजता) ३) तिसरी कसोटी- ७ ते ११ जानेवारी २०२१, सिडनी (पहाटे ५ वाजता) ४) चौथी कसोटी- १५ ते १९ जानेवारी, २०२१, गाबा (पहाटे साडे पाच वाजता) भारताच्या या दौऱ्यातील सर्व सामन्याचे लाइव्ह प्रक्षेपण सोनी सिक्स आणि डीडी स्पोट्स वर होणार आहे. या शिवाय Sony LIVवर लाइव्ह स्ट्रीमिंग होईल. कसोटी मालिका फक्त सोनी सिक्स आणि Sony LIV वर दिसेल. या शिवाय भारतीय संघ दोन सराव सामने खेळणार आहे. या सामन्याचे लाइव्ह प्रक्षेपण क्रिकेट ऑस्ट्रेलियाच्या अॅपवर केले जाणार आहे. भारत आणि ऑस्ट्रेलिया यांच्या लढतीचे LIVE UPDATE आणि स्कोअरकार्ड महाराष्ट्र टाइम्सच्या वेबसाइटवर तुम्ही पाहू शकता.


from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3abyMlF

No comments:

Post a Comment

BJP’s Rajya Sabha strength falls below 100; may rise soon

A month after touching the mark of 100 seats for the first time in Rajya Sabha, BJP’s numerical strength has come down to 95 as five of its ...