अॅडलेड, : पृथ्वी शॉचं नेमकं चाललंय तरी काय, असा प्रश्न आता भारताच्या चाहत्याना पडला आहे. कारण पहिल्या डावात पृथ्वीला भोपळाही फोडता आला नव्हता. त्यानंतर आजच्या दिवशी पृथ्वी शॉकडून एक मोठी चुक घडली आणि त्याला कर्णधार विराट कोहलीने चांगलेच झापले. त्यानंतर दुसऱ्या डावातही पृथ्वी नापास झाल्याचेच पाहायला मिळाले. पण त्यानंतर सोशल मीडियावर चाहत्यांनी पृथ्वी शॉची चांगलीच शाळा घेतल्याचे पाहायला मिळाले. पृथ्वी शॉला पहिल्या डावात एकही धाव करता आली नव्हती. त्यानंतर दुसऱ्या डावात पृथ्वी मोठी खेळी साकारेल, असे वाटले होते. पण दुसऱ्या डावात पृथ्वीला फक्त चार धावाच करता आल्या. त्याचबरोबर पृथ्वी या दोन्ही डावांत क्लीन बोल्ड झाल्याचे पाहायला मिळाले. त्यामुळे चाहते पृथ्वीवर कमालीचे नाराज झाले असून त्याला सोशल मीडियावर चांगलेच ट्रोल केले आहे. त्यामुळे पृथ्वीने दोन्ही डावांत मिळून फक्त चारच धावा केल्याचे पाहायला मिळाले आहे. त्याचबरोबर पृथ्वीने यावेळी मार्नस लाबुशेनचा महत्वाचा झेलही सोडला होता. त्यामुळे पृथ्वीला संघात स्थान देणे, भारतीय संघासाठी जोखमीचे ठरलेले पाहायला मिळत आहे. भारताचा कर्णधार विराट कोहली हा सामन्याच्या दुसऱ्या दिवशी चांगलाच भडकलेला पाहायला मिळाला. पृथ्वी शॉकडून क्षेत्ररक्षण करताना मोठी चुक झाल्याचे पाहायला मिळाले. त्यानंतर कोहलीचा संताप अनावर झाला आणि त्याने पृथ्वीला अपशब्द वापरले. पृथ्वीने यावेळी नेमकी कोणती मोठी चुक केली, याचा व्हिडीओ सध्याच्या घडीला चांगलाच व्हायरल झालेला पाहायला मिळत आहे. ही गोष्टी घडली ती २३व्या षटकात. त्यावेळी भारताचा जसप्रीत बुमरा गोलंदाजी करत होता. या षटकात बुमराने एक बाऊन्सर टाकला. या बाऊन्सरवर मार्नस लाबुशेनने पुलचा फटका मारला. त्यावेळी हा चेंडू हवे उडाला आणि पृथ्वी तिथे फिल्डिंग करत होता. पृथ्वीसाठी हा एक चांगला झेल होता. पण पृथ्वी यावेळी गडबडला आणि त्याने हा झेल सोडला. त्यानंतर कोहलीचा राग अनावर झाला आणि कोहलीने पृथ्वीला शिवी दिल्याची चर्चा चाहते करत होते.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/388XekY
No comments:
Post a Comment