अॅडलेड, : जसप्रीत बुमरा हा जगातील सर्वोत्तम गोलंदाजांपैकी एक आहे आणि त्याचे चाहतेही बरेच आहे. पण ऑस्ट्रेलियाविरुद्धच्या सामन्यात बुमराची फलंदाजी पाहून भारताचा कर्णधार विराट कोहली खूष झाल्याचे पाहायला मिळाले. या गोष्टीची दखल आयसीसीने घेतली असून त्यांनी विराट आणि बुमराचा एक फोटो शेअर केला आहे. हा फोटो आता चांगलाच व्हायरल झालेला पाहायला मिळत आहे. पाहा नेमकं घडलं तरी काय...भारतीय संघाने पहिल्या डावात चांगली आघाडी घेतली होती. त्यावेळी भारतीय संघाला आजच्या दिवशी फक्त आठ षटके खेळायची होती. भारताचे टदोन्ही सलामीवीर ही जबाबदारी यशस्वीरीत्या पार पाडतील, असे वाटले होते. पण भारताचा युवा सलामीवीर पृथ्वी शॉ हा पुन्हा एकदा अपयशी ठरला आणि त्याला फक्त चार धावाच करता आल्या. त्यावेळी ऑस्ट्रेलियाचा संघ चांगलाच आक्रमक झालेला पाहायला मिळाला होता. भारताने जर त्यावेळी एका चांगल्या फलंदाजाला पाठवले असते आणि तो बाद झाला असता तर संघाला मोठा धक्का बसला असता. त्यामुळे भारतीय संघाने यावेळी नाइट वॉटमन म्हणून बुमराला यावेळी पाठवण्यात आले होते. पृथ्वी यावेळी फक्त चारच चेंडू खेळून बाद झाला होता. त्यामुळे बुमरा कशी कामगिरी करतो, याकडे सर्वांच्या नजरा लागलेल्या होत्या. पण बुमराने यावेळी ऑस्ट्रेलियाच्या वेगवान गोलंदाजांचे ११ चेंडू समर्थपणे खेळून काढले आणि भारताला अजून एक धक्का बसण्यापासून वाचवले. सामना संपल्यावर जेव्हा बुमरा पेव्हेलियनच्या दिशेने येत होता. तेव्हा कर्णधार कोहली मैदानात उभा होता. यावेळी कोहलीने बुमराचे कौतुक केल्याचे पाहायला मिळाले. जेव्हा कोहली बुमराचे कौतुल करत होता तो फोटो आयसीसीने आपल्या सोशल मीडियावर ट्विट केला आहे. हा फोटो आता चांगलाच व्हायरल झाला आहे. त्याचबरोबर या फोटोमध्ये कोहली बुमरावर किती खूष आहे, हेदेखील पाहायला मिळत आहे. त्यामुळे चाहत्यांच्या पसंतीला हा फोटो चांगलाच उतरलेला पाहायला मिळत आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3h2OxwW
No comments:
Post a Comment