Ads

Wednesday, December 16, 2020

Breaking News... मुंबईच्या निवड समिती अध्यक्षपदी सलिल अंकोलाची वर्णी

मुंबई : भारताचा माजी वेगवान गोलंदाज सलिल अंकोलाची मुंबईच्या निवड समिती अध्यक्षपदी आज निवड करण्यात आली आहे. काही दिवसांमध्येच भारतामध्ये सय्यद मुश्ताक अली ट्वेन्टी-२० स्पर्धा होणार आहे. या स्पर्धेसाठी अंकोलाच्या अध्यक्षतेखालील निवड समिती मुंबईचा संघ निवडणार आहे. अंकोला मुंबईकडून ५४ सामने खेळला आहे, या ५४ सामन्यांमध्ये १८१ विकेट्स अंकोलाच्या नावावर आहेत. त्याचबरोबर ४७ धावांमध्ये ६ विकेट्स ही त्याची सर्वोत्तम कामगिरी होती. अंकोला भारताकडून २० एकदिवसीय सामने खेळला होता. या २० सामन्यांमध्ये अंकोलाच्या नावावर १३ बळी होते. अंकोलाच्या अध्यक्षतेखालील निवड समितीमध्ये संजय पाटील, रवींद्र ठाकेर, जुल्फीकार पारकर आणि रवी कुलकर्णी यांचा समावेश करण्यात आला आहे. मुंबई क्रिकेट असोसिशनच्या क्रिकेट सुधार समितीमध्ये माजी क्रिकेटपटू लालचंद राजपूत, समीर दिघे आणि रवींद्र कुलकर्णी यांचा समावेश आहे. त्याचबरोबर येत्या काही दिवसांमध्ये मुंबई संघाच्या प्रशिक्षकाचीही घोषणा करण्यात येणार आहे. मुंबई क्रिकेट असोसिशनने याबाबत एक पत्रक काढले आहे. या पत्रकात म्हटले गेले आहे की, " मुंबईच्या क्रिकेट सुधार समितीने २०२०-२१ या कालावधीसाठी निवड समितीची स्थापना केली आहे. या समितीचे अध्यक्षपद सलिल अंकोलाकडे सोपवण्यात आले आहे. त्याचबरोबर या समितीमध्ये रवींद्र ठाकेर, जुल्फीकार पारकर आणि रवी कुलकर्णी यांचाही समावेश करण्यात आला आहे."


from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2LzEvHK

No comments:

Post a Comment

BJP’s Rajya Sabha strength falls below 100; may rise soon

A month after touching the mark of 100 seats for the first time in Rajya Sabha, BJP’s numerical strength has come down to 95 as five of its ...