नवी दिल्ली: भारत आणि ऑस्ट्रेलिया यांच्यात होणाऱ्या चार सामन्यांच्या मालिकेतील एडिलेड ओव्हर मैदानावर होणार आहे. भारतीय संघ प्रथमच परदेशात डे-नाइट सामना खेळत आहे. डे-नाइड कसोटी मध्ये ऑस्ट्रेलिया संघाला सर्वाधिक अनुभव आहे. ऑस्ट्रेलियाने सात डे-नाइट सामने खेळले आहेत. भारतीय संघाकडे फक्त एका सामन्याचा अनुभव भारतीय क्रिकेट संघाने आतापर्यंत फक्त एकच डे-नाइट कसोटी सामना खेळला आहे. हा सामना गेल्या वर्षी कोलकातामध्ये बांगलादेश विरुद्ध झाला होता. तेव्हा भारताने विजय मिळवला होता. एडिलेड मैदानावर भारतीय संघाची दमदार कामगिरी झाली आहे. त्यामुळे भारतीय संघाचा आत्मविश्वास नक्कीच वाढलेला असेल. २०१८-१९ मध्ये जेव्हा भारताने ऑस्ट्रेलियावर मालिका विजय मिळवला होता तेव्हा त्याच एडिलेडमधील विजयाचा समावेश होता. या आहेत अडचणी भारतीय संघाने दुसरा सराव सामना मेलबर्न क्रिकेट मैदानावर खेळला होता. तेव्हा भारतीय संघातील विराट कोहली, चेतेश्वर पुजारा, रविचंद्रन अश्विन, वृद्धिमान साहा आणि उमेश यादव खेळले नव्हते. या सर्वांना एडिलेड कसोटीत स्थान मिळाले आहे. याचा फायदा ऑस्ट्रेलियाचा कर्णधार टीम पेन घेऊ शकतो. असा आहे भारतीय संघ ऑस्ट्रेलियाने पहिल्या कसोटीसाठी अंतिम ११ जणांची निवड केली आहे. पण त्यांनी ती अद्याप जाहीर केली नाही. तर भारताने ११ जणांची यादी प्रसिद्ध केली आहे. मयांक अग्रवाल सोबत पृथ्वी शॉ सलामीला येणार आहे. पृथ्वी दोन्ही सराव सामन्यात अपयशी ठरला होता. त्याने फक्त ६२ धावा केल्या होत्या. इतक नव्हे तर या वर्षी न्यूझीलंडविरुद्धच्या मालिकेत त्याला फक्त एक अर्धशतक करता आले होते. ऑस्ट्रेलियाला देखील टेन्शन भारतीय संघात विकेटकिपर कोण असावा यावरून वाद आहे. त्याच बरोबर फलंदाजीसाठी ३,४ आणि ५ वर कोण येणार हे निश्चित आहे. तर सहाव्या क्रमांकावर साहा येईल. पण ऑस्ट्रेलियाची डोकेदुखी सलामीची जोडी आहे. डेव्हिड वॉर्नर जखमी झाल्यामुळे विल पुकोवस्कीला संघात स्थान दिले गेले. पण तो देखील जखमी झाल्याने संघा बाहेर झाला. त्यामुळे मार्कस हॅरिस आणि मॅथ्यू वेड ही नवी जोडी दिसू शकते. क्रमांक तीनवर मार्नस लाबुशाने किंवा स्टीव्ह स्मिथ या पैकी कोण येणार हे अद्याप निश्चित नाही. संघात कॅमरून ग्रीनला संधी मिळू शकते. >ऑस्ट्रेलिया आणि भारत यांच्यातील एकमेव डे-नाइट कसोटी कधी होणार आहे? >>ऑस्ट्रेलिया आणि भारत यांच्यातील एकमेव डे-नाइट कसोटी १७ डिसेंबर रोजी होणार आहे. >ऑस्ट्रेलिया आणि भारत यांच्यातील एकमेव डे-नाइट कसोटी सामना कोणत्या मैदानावर होणार आहे? >>ऑस्ट्रेलिया आणि भारत यांच्यातील एकमेव डे-नाइट कसोटी सामना एडिलेड ओव्हर मैदानावर होणार आहे. >ऑस्ट्रेलिया आणि भारत यांच्यातील एकमेव डे-नाइट कसोटी सामना किती वाजता सुरू होईल? >>ऑस्ट्रेलिया आणि भारत यांच्यातील एकमेव डे-नाइट कसोटी सामना भारतीय वेळेनुसार सकाळी ९.३० वाजता सुरू होईल. तर नाणेफेक सकाळी ९ वाजता होईल. >ऑस्ट्रेलिया आणि भारत यांच्यातील एकमेव डे-नाइट कसोटी सामना LIVE कुठे पाहू शकाल? >>ऑस्ट्रेलिया आणि भारत यांच्यातील कसोटी मालिकेतील पहिला आणि एकमेव डे-नाइट सामन्याचे LIVE अपडेट maharashtratimes.com वर पाहू शकता. त्याच बरोबर सोनी टीव्हीच्या क्रीडा वाहिनीवर हा सामना पाहता येईल. असा आहे भारतीय संघ- विराट कोहली (कर्णधार), मयांक अग्रवाल, पृथ्वी शॉ, चेतेश्वर पुजारा, अजिंक्य रहाणे (उपकर्णधार), हनुमा विहारी, वृद्धिमान साहा (विकेटकिपर), आर अश्विन, उमेश यादव, जसप्रीत बुमराह, मोहम्मद शमी
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/37p36rh
No comments:
Post a Comment