एडिलेड: 1st test भारत विरुद्ध ऑस्ट्रेलिया यांच्यात सुरू असलेल्या पहिल्या कसोटीत सामन्यात एका वादाला तोड फुटले आहे. दोन्ही संघात चार सामन्यांच्या मालिकेतील पहिली मॅच एडिलेड येथे सुरू झाली आहे. भारताचा कर्णधार विराट कोहलीने टॉस जिंकल्यानंतर फलंदाजी करण्याचा निर्णय घेतला. पृथ्वी शॉ पहिल्याच ओव्हरच्या दुसऱ्या चेंडूवर बाद झाल्यानंतर चेतेश्वर पुजारा खेळण्यास आला. त्याने विकेट न पडू देता संयमी खेळी केली. चेतेश्वर पुजारा खेळण्यास आला तेव्हा ऑस्ट्रेलियाचा माजी दिग्गज फिरकीपटू फॉक्स क्रिकेट वाहिनीवर समालोचन करत होता. समालोचन करताना वॉर्नने काउंटी क्रिकेटमध्ये यॉकशायरकडून खेळताना पुजाराला दिलेल्या टोपन नावाची चर्चा केली. पुजाराचे नाव उच्चारता येत नसल्याने काउंटी क्रिकेटमधील संघातील सहकारी त्याला स्टीव्ह म्हणून हाक मारत होते. वॉनने केलेल्या या गोष्टीच्या उल्लेखावरून भारतीय चाहते नाराज झाले आणि त्याल सोशल मीडियावर ट्रोल करण्यास सुरूवात केली. चाहत्यांच्या मते वॉनआजारी आहे. पुजाराबद्दल अशा पद्धतीने बोलने म्हणजे अनप्रोफेशनल, अपमानजनक आणि वर्णद्वेषी असल्याचे चाहते म्हणत आहे. इंग्लंडमधील काउंटी टीम यॉर्कशायरचा माजी कर्णधार अजीम रफीक याने देखील क्लबमध्ये वर्षद्वेषी उल्लेख केल्याचे म्हटले होते. रफीकच्या दाव्याचे समर्थन त्याच्या माजी कर्मचाऱ्याने पाच डिसेंबर रोजी म्हटले होती की, पुजारा आशियाई असल्याने आणि त्याच्या रंगावरून स्टीव्ह नावाने बोलवले जात असे. वेस्ट इंडिजचा माजी खेळाडू टीनो बेस्ट आणि पाकिस्तानचा राणा नावेद उल हसन यांनी देखील रफीकची बाजू घेतली होती. रफीकने केलेल्या आरोपाची चौकशी सुरू असून यॉर्कशायरचे माजी कर्मचारी ताट बट आणि टोनी बाऊरी यांनी क्लबमध्ये वर्णद्वेषा विरुद्ध पुरावे दिले आहेत. क्लबमध्ये आशियाई लोकांचा उल्लेख टॅक्सी चालक आणि हॉटेलमध्ये काम करणारे असा केला जायचा. आशियातील प्रत्येक व्य्कतीला ते स्टीव्ह नावाने हाक मारायचे. पुजाराला देखील स्टीव्ह या नावाने हाक मारली जात होती, कारण त्याचे नाव उच्चारता येत नसे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3gU0Rzv
No comments:
Post a Comment