AUS vs IND 1st Test: आजचा दिवस कोहलीचाच, सामना सुरु होण्यापूर्वीच दिली गूड न्यूज

अॅडलेड, : आजचा दिवस भारताचा कर्णधार विराट कोहलीचा होता, असे म्हटले तर ते वावगे ठरणार नाही. कारण आजचा सामना सुरु होण्यापूर्वीच कोहलीने चाहत्यांना एक आनंदाची बातमी दिल्याचे पाहायला मिळाले आहे. आजचा सामना सुरु होण्यापूर्वी कोहली हा नाणेफेकीसाठी मैदानात आला. दोन्ही कर्णधारांच्या उपस्थितीत नाणेफेक झाली आणि कौल लागला तो कोहलीच्या बाजूने. आतापर्यंत जेव्हा कोहली नाणेफेक जिंकलेला आहे, तो सामना भारताने गमावलेला नाही असा एक विक्रम आहे. त्यामुळे या विक्रमाकडे पाहिले तर पहिला सामना भारतीय संघ गमावणार नाही, असा विश्वास चाहत्यांच्या मनामध्ये निर्माण झाला आहे. आतापर्यंत कोहलीने २५ सामन्यांमध्ये नाणेफेक जिंकलेली आहे. या २५ सामन्यांमध्ये भारताने २१ सामने जिंकले आहेत, तर चार सामने अनिर्णीत राहिलेले आहेत. त्यामुळे कोहलीने आतापर्यंत जेव्हा जेव्हा नाणेफेक जिंकली आहे, तो सामना भारतीय संघाला गमवावा लागला नाही. त्यामुळे भारताच्या चाहत्यांसाठी ही एक आनंदाची बातमी आहे. आजच्या सामन्यात कोहलीने भारताचा डाव सावरत ७८ धावांची दमदार खेळी साकारली. अजिंक्य रहाणेबरोबर खेळत असताना कोहली धावचीत झाला आणि त्याची अर्धशतकी खेळी संपुष्टात आली. पण या सामन्यात कोहलीच्या हातावर एक वेगवान चेंडू आढटळल्याचे पाहायला मिळाले. कोहलीला यावेळी दुखापतही झाली. पण यावेळी त्याने मैदान सोडले नाही आणि तो लढतच राहिल्याचे पाहायला मिळाले. ही गोष्ट घडली ती ४३व्या षटकात. हे षटक ऑस्ट्रेलियाचा वेगवान गोलंदाज मिचेल स्टार्क टाकत होता. या षटकाच्या तिसऱ्या चेंडूवर स्टार्कने बाऊन्सर टाकला. हा चेंडू विराटच्या उजव्या हाताच्या अंगठ्यावर बसला. हा चेंडू एवढ्या वेगाने आला होता की, विराटला इजा झाली. विराट अस्वस्थ झाला होता. त्यानंतर लगेचच भारताच्या फिजिओने मैदानात धाव घेतली. विराटने आपले ग्लाव्हज काढले आणि फिजिओने उपचार करायला सुरुवात केली. विराटला ज्यावेळी दुखापत झाली होती त्यावेळी भारताची २ बाद ७३ अशी अवस्था होती आणि रनरेट दोनपेक्षा कमी होता. त्यावेळी भारतीय संघाला विराटची गरज होती. कारण जर विराट त्यावेळी मैदानाबाहेर गेला असता तर ऑस्ट्रेलियाचा संघ अधिक आक्रमक झाला असता. पण विराटने यावेळी मैदानाबाहेर जायचा निर्णय घेतला नाही आणि तो खेळतच नाही. विराटला जेव्हा ही दुखापत झाली तेव्हा तो २३ धावांवर खेळत होता. त्यानंतर कोहलीने दमदार फलंदाजी करत आपले अर्धशतकही साजरे केले.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/34lPaMI