अॅडलेड, : भारताचा कर्णधार विराट कोहलीने पहिल्या दिवशी दमदार खेळी साकारत भारताचा डाव सावरला. पण या सामन्यात कोहलीच्या हातावर एक वेगवान चेंडू आदळल्याचे पाहायला मिळाले. कोहलीला यावेळी दुखापत झाली आणि त्याच्या बोटातून रक्त यायला सुरुवात झाली. पण यावेळी त्याने मैदान सोडले नाही आणि तो लढतच राहिल्याचे पाहायला मिळाले. ही गोष्ट घडली ती ४३व्या षटकात. हे षटक ऑस्ट्रेलियाचा वेगवान गोलंदाज मिचेल स्टार्क टाकत होता. या षटकाच्या तिसऱ्या चेंडूवर स्टार्कने बाऊन्सर टाकला. हा चेंडू विराटच्या उजव्या हाताच्या अंगठ्यावर बसला. हा चेंडू एवढ्या वेगाने आला होता की, विराटला इजा झाली. विराट अस्वस्थ झाला होता. त्यानंतर लगेचच भारताच्या फिजिओने मैदानात धाव घेतली. विराटने आपले ग्लाव्हज काढले आणि फिजिओने उपचार करायला सुरुवात केली. विराटला ज्यावेळी दुखापत झाली होती त्यावेळी भारताची २ बाद ७३ अशी अवस्था होती आणि रनरेट दोनपेक्षा कमी होता. त्यावेळी भारतीय संघाला विराटची गरज होती. कारण जर विराट त्यावेळी मैदानाबाहेर गेला असता तर ऑस्ट्रेलियाचा संघ अधिक आक्रमक झाला असता. पण विराटने यावेळी मैदानाबाहेर जायचा निर्णय घेतला नाही आणि तो खेळतच नाही. विराटला जेव्हा ही दुखापत झाली तेव्हा तो २३ धावांवर खेळत होता. त्यानंतर कोहलीने दमदार फलंदाजी करत आपले अर्धशतकही साजरे केले. त्याचबरोबर कोहलीने यावेळी भारताचा माजी कर्णधार महेंद्रसिंग धोनीचा विक्रमही मोडीत काढला. ऑस्ट्रेलियाविरुद्धच्या पहिल्याच कसोटी सामन्यात भारताचा कर्णधार विराट कोहलीने दमदार फलंदाजी केली. कोहलीने या सामन्यात अर्धशतकही झळकावले. सुंदर फलंदाजी करत कोहलीने यावेळी भारताचा माजी कर्णधार महेंद्रसिंग धोनीचा विक्रम मोडीत काढला आहे. त्याचबरोबर अशी कामगिरी करणारा तो भारताचा पहिलाच कर्णधारही ठरला आहे. भात आणि ऑस्ट्रेलिया यांच्यामधील बोर्डर-गावस्कर ट्रॉफीमध्ये आतापर्यंत कर्णधार म्हणून सर्वाधिक धावांचा विक्रम हा धोनीच्या नावावर होता. पण आजच्या सामन्यात कोहलीने हा विक्रम मडीत काढला आहे. आतापर्यंत धोनीने ऑस्ट्रेलियाविरुद्धच्या या ट्रॉफीमध्ये सर्वाधिक ८१३ धावा केल्या होत्या. पण कोहलीने आजच्या सामन्यात दमदार फलंदाजी करत हा विक्रम मोडीत काढला आहे. त्यामुळे ऑस्ट्रेलियाविरुद्ध सर्वाधिक धावा करणारा कर्णधार आता कोहली ठरला आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3oWJeSn
No comments:
Post a Comment