अॅडलेड, : ऑस्ट्रेलियाविरुद्धच्या पहिल्याच कसोटी सामन्यात भारताचा कर्णधार विराट कोहलीने दमदार फलंदाजी केली. कोहलीने या सामन्यात अर्धशतकही झळकावले. सुंदर फलंदाजी करत कोहलीने यावेळी भारताचा माजी कर्णधार महेंद्रसिंग धोनीचा विक्रम मोडीत काढला आहे. त्याचबरोबर अशी कामगिरी करणारा तो भारताचा पहिलाच कर्णधारही ठरला आहे. भात आणि ऑस्ट्रेलिया यांच्यामधील बोर्डर-गावस्कर ट्रॉफीमध्ये आतापर्यंत कर्णधार म्हणून सर्वाधिक धावांचा विक्रम हा धोनीच्या नावावर होता. पण आजच्या सामन्यात कोहलीने हा विक्रम मडीत काढला आहे. आतापर्यंत धोनीने ऑस्ट्रेलियाविरुद्धच्या या ट्रॉफीमध्ये सर्वाधिक ८१३ धावा केल्या होत्या. पण कोहलीने आजच्या सामन्यात दमदार फलंदाजी करत हा विक्रम मोडीत काढला आहे. त्यामुळे ऑस्ट्रेलियाविरुद्ध सर्वाधिक धावा करणारा कर्णधार आता कोहली ठरला आहे. ऑस्ट्रेलियाविरुद्ध सर्वाधिक धावा करणाऱ्या कर्णधारांच्या यादीत कोहली पहिला, तर धोनी दुसरा आहे. पण या यादीमध्ये तिसऱ्या क्रमांकावर भारताचा माजी कर्णधार सौरव गांगुली आहे. गांगुलीने ऑस्ट्रेलियाविरुद्धच्या कसोटी मालिकेत ४४९ धावा केल्या होत्या. आजच्या सामन्यात कोहली आणि चेतेश्वर पुजारा यांनी तिसऱ्या विकेटसाठी ६८ धावांची भागीदारी रचली. ही जोडी आता मोठी धावसंख्या उभारणार, असे वाटत होते. पण यावेळी पुजारा ४३ धावांवर असताना बाद झाला. पुजाराला ऑस्ट्रेलियाचा फिरकीपटू नॅथन लायनने बाद केले. कोहली आणि पुजारा यांनी आतापर्यंत सहावेळा ऑस्ट्रेलियाविरुद्ध अर्धशतकी भागीदारी रचली आहे. यापूर्वी सचिन तेंडुलकर आणि राहुल द्रविड यांनी ऑस्ट्रेलियाविरुद्ध सहावेळा अर्धशतकी भागीदारी रचली होती. त्याचबरोबर राहुल द्रविड आणि व्हीव्हीएस लक्ष्मण यांनीही अशीच कामगिरी केलेली आहे. ऑस्ट्रेलिया विरुद्धच्या पहिल्या कसोटी सामन्यात विराट कोहलीने नाणेफेक जिंकून प्रथम फलंदाजी करण्याचा निर्णय घेतला. पिच फलंदाजीसाठी चांगले असल्याने विराटने फलंदाजी करण्याचा निर्णय घेतला. पण कर्णधाराच्या या निर्णयावर पृथ्वी शॉने पाणी फेरले. पृथ्वीला यावेळी भोपळाही फोडता आला नाही. पण त्यानतर पुजारा आणि कोहली यांनी भारताचा डाव सावरला.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2WnECIB
No comments:
Post a Comment