सिडनी, : चौथ्या दिवशी ऑस्ट्रलियाच्या क्रिकेट मंडळाने भारतीय संघाची माफी मागितल्याचे आता समोर आले आहे. सामन्याच्या तिसऱ्या दिवशी एक वाईट कृत्य भारतीय संघाबरोबर घडले होते, त्याची दिलगिरी आता ऑस्ट्रलियाच्या क्रिकेट मंडळाने व्यक्त केली आहे. नेमकं काय घडलं होतं...तिसऱ्या कसोटी सामन्यातील तिसऱ्या दिवशी भारताचे जलद गोलंदाज जसप्रीत बुमराह आणि मोहम्मद सिराज यांना काही प्रेक्षकांनी शिविगाळ केली होती. या दोघांच्या विरुद्ध वर्णभेदी वक्तव्य करण्यात आले होते. त्यानंतर भारतीय संग व्यवस्थापनाने या दोन खेळाडूंसह सामनाअधिकाऱ्यांकडे तक्रार केली होती. रविवारी सामना सुरू झाल्यानंतर स्टेडियममध्ये पोलिस आले आणि त्यांनी सहा प्रेक्षकांना मैदानाबाहेर घालवले. रविवारी जेव्हा ऑस्ट्रेलियाच्या डावातील ८६व्या ओव्हरनंतर जेव्हा मोहम्मद सिराज (mohammad siraj) त्याची २५वी ओव्हर टाकून सीमेरेषेवक फिल्डिंग करत होता. तेव्हा तो कर्णधार अजिंक्य रहाणेच्या जवळ आला. ते दोघे मैदानातील अंपायरकडे गेले आणि प्रेक्षकांकडून पुन्हा चुकीची वक्तव्य केली जात असल्याची तक्रार केली. या सर्व प्रकरणाबाबत ऑस्ट्रलियाच्या क्रिकेट मंडळाने भारतीय संघाची माफी मागितली आहे. ऑस्ट्रलियाच्या क्रिकेट मंडळाने याबाबत एक पत्रक काढले आहे. या पत्रकामधअये त्यांनी म्हटले आहे की, " भारतीय संघातील खेळाडूंबाबत जी वागणूक पाहायला मिळाली, ती खपवून घेणार नाही. दोषींवर कडक कारवाई आम्ही करणार आहोत. आंतरराष्ट्रीय क्रिकेट परिषद या प्रकरणाचा तपास करत आहे. त्याचबरोबर मैदानातील सीसीटीव्ही फुटेज पाहिले जात आहे. त्यामुळे या सर्व प्रकरणात जे दोषी आढळतील त्यांच्यावर कडक कारवाई करण्यात येईल. दोषींवर आजीवन बंदी घालण्याचा विचारही आम्ही करत आहोत." भारत आणि ऑस्ट्रेलिया यांच्यातील तिसऱ्या कसोटी सामन्यातील चौथ्या दिवसाच्या खेळाला सुरूवात झाली आहे. ऑस्ट्रेलियाने काल २ बाद १०२ धावा केल्या होत्या. पहिल्या डावात ऑस्ट्रेलियाने ९८ धावांची महत्त्वाची आघाडी घेतली होती. त्यानंतर ऑस्ट्रेलियाने आपला दुसरा डाव ३१२ धावांवर घोषित केला होता. त्यानंतर भारतीय संघ विजयासाठी मैदानात उतरला. चौथ्या दिवसअखेर भारताने आपले दोन्ही सलामीवीर गमावले असून त्यांची २ बाद ९८ अशी अवस्था आहे. भारतीय संघाला विजयासाठी पाचव्या दिवशी ३०९ धावांची गरज असून कर्णधार अजिंक्य रहाणे आणि चेतेश्वर पुजारा हे खेळपट्टीवर आहेत. त्यामुळे भारतासाठी या सामन्याच्या पाचवा दिवस महत्वाचा ठरणार आहे. पाचव्या दिवशी कोणता संघ नेमका सामना जिंकतो, याची उत्सुकता चाहत्यांना नक्कीच असेल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/38v2LDV
No comments:
Post a Comment