सिडनी, : अजिंक्य रहाणे हा ऑस्ट्रेलियाच्या संघापुढे सध्याच्या घडीला मोठा काटा आहे. त्यामुळे त्याला बाद करण्यासाठी ऑस्ट्रेलियाच्या खेळाडूंसह पंचांनीही रडीचा डाव खेळल्याचे पाहायला मिळाले. या गोष्टीचा व्हिडीओ सध्याच्या घडीला चांगलाच व्हायरल होत असल्याचेही पाहायला मिळत आहे. तिसऱ्या दिवशी अजिंक्यने मोठी खेळी साकारली तर भारतीय संघ चांगली आघाडी घेऊ शकतो, हे ऑस्ट्रेलियाच्या संघाला चांगलेच माहिती आहे. त्यामुळे त्याला दुसऱ्या दिवशीच बाद करण्यासाठी ऑस्ट्रेलियाच्या खेळाडूंसह पंचांनीही रडीचा डाव खेळल्याचे पाहायला मिळाले. नेमकं घडलं तरी काय, पाहा... भारतीय संघ फलंदाजी करत असताना ४०व्या षटकात ही गोष्ट पाहायला मिळाली. हे षटक ऑस्ट्रेलियाचा फिरकीपटू नॅथन लायन टाकत होता. या षटकाच्या चौथ्या चेंडूवर ऑस्ट्रेलियाच्या खेळाडूंनी अजिंक्य रहाणेविरोधात एक अपील केली. त्यावेळी पंचांनी अजिंक्य नाबाद असल्याचा निर्णय दिला. पण त्यानंतर डीआरएस घ्यायचा की नाही, याचा विचार ऑस्ट्रेलियाचे खेळाडू करत होते. डीआरएस घेण्याचा वेळ संपला, पण त्यानंतर ऑस्ट्रेलियाच्या कर्णधाराने डीआरएस घेण्याचा निर्णय घेतला. त्यावेळी मैदानातील पंचांनी ही गोष्ट करता येणार नाही, हे त्यांना सांगायला हवे होते. पण पंचांनीही यावेळी ऑस्ट्रेलियाच्या खेळाडूंची साथ दिली आणि त्यांना डीआरएस घेण्याची परवानगी दिली. या डीआरएसमध्ये जर अजिंक्यला बाद ठरवले असते तर ती चुकी मैदानावरील पंचांची होती, कारण त्यांनी नियमाचा भंग केला होता. पण या डीआरएसमध्ये अजिंक्य नाबाद असल्याचा कौल तिसऱ्या पंचांनी दिला. भारताच्या डावाची सुरूवात रोहित शर्मा आणि शुभमन गिल यांनी केली. या दोघांनी पहिल्या विकेटसाठी ७० धावांची भागिदारी केली. ही जोडी टीम इंडियाला मोठी धावसंख्या उभी करून देईल असे वाटत असताना जोश हेजलवुडने रोहितला २७ धावांवर बाद केले. त्यानंतर गिलने कसोटी करिअरमधील पहिले अर्धशतक पूर्ण केले. पण अर्धशतकानंतर तो लगेच बाद झाला. दोन्ही सलामीवीर कमी अंतराने बाद झाल्याने भारताची अवस्था २ बाद ८५ अशी झाली. त्यानंतर अजिंक्य रहाणे आणि चेतेश्वर पुजार यांनी विकेट पडू दिली नाही. भारत आणि ऑस्ट्रेलिया यांच्यात सुरू असलेल्या तिसऱ्या कसोटी सामन्याच्या दुसऱ्या दिवसाचा खेळ संपला असून भारताने २ बाद ९६ धावा केल्या आहेत. भारताचा कर्णधार अजिंक्य रहाणे आणि चेतेश्वर पुजारा मैदानात आहेत. भारत अद्याप २४२ धावांनी पिछाडीवर आहे. ऑस्ट्रेलियाचा फलंदाज स्टीव्ह स्मिथ (Steven Smith)चे शानदार शतक आणि भारताचा अष्टपैलू रविंद्र जडेजा (Ravindra Jadeja) गोलंदाजी ही दुसऱ्या दिवसाच्या डावाचे मुख्य वैशिष्ट ठरले.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2Xj3ge5
No comments:
Post a Comment