सिडनी, : ऑस्ट्रेलियामध्ये प्रतिस्पर्धी खेळाडूंवर शाब्दिक हल्ले हे होतच असतात. भारताचा कर्णधार विराट कोहली याच्यावरही काही दिवसांपूर्वी शाब्दिक हल्ले करण्यात आले होते. कोहलीने या टीकेला आता सडेतोड उत्तर दिले आहे. त्याचबरोबर कोहलीचा हा व्हिडीओ आता चांगलाच व्हायरल झालेला पाहायला मिळत आहे. कोहलीवर ऑस्ट्रेलियाचे माजी कर्णधार इयान चॅपेल यांनी काही दिवसांपूर्वी एक टिप्पणी केली होती. ते म्हणाले होते की, " कोहलीमध्ये ऑस्ट्रेलियाच्या क्रिकेटपटूंसारखी मानसीकता आहे." यावर कोहलीने एका व्हिडीओमध्ये यावर उत्तर दिले आहे. कोहलीने यावेळी सांगितले आहे की, " मी नव्या भारताचे प्रतिनिधीत्व करतो. माझी एक खास शैली आहे आणि त्यानुसारच मी खेळत असतो. जसे माझे चरित्र आहे किंवा माझे जे विचार आहेत त्यानुसारच मी भारताचे प्रतिनिधीत्व करतो. त्यामध्ये बदल करण्याची गरज नसल्याचे मला वाटते." कोहली पुढे म्हणाला की, " माझ्या डोक्यामध्ये ऑस्ट्रेलियाची मानसीकता आहे की नाही, याची मी कधीच तुलना करत नाही. भारतीय संघाला पुढे कसे नेता येईल, याचा विचार मी सर्वात जास्त करत असतो. त्यामुळे माझे व्यक्तीमत्व पहिल्या दिवसापासूनच तसे आहे. भारत नव्या आव्हानांचा स्वीकार करत आहे. त्यामध्ये आशा आणि सकारात्मकता मला दिसते. यापुढे कोणतेही आव्हान समोर आले तर भारत त्यासाठी सज्ज आहे." भारताचे नेतृत्व करत असताना विराटने कोणते बदल नेमके करायला हवेत, याबाबत भारताचे माजी महान क्रिकेटपटू आणि समालोचक व्हीव्हीएस लक्ष्णने आपले मत व्यक्त केले आहे. लक्ष्मण म्हणाला की, " कोहली हा बऱ्याच खेळाडूंसाठी आदर्शवत असा आहे. पण मला वाटते की, कोहलीने अजूनही आपल्या नेतृत्वामध्ये काही बदल करणे गरजेचे आहे. कारण हे बदल झाले तर ते संघासाठी आणि खेळाडूंसाठी हिताचे ठरणार आहे. माझ्यामते कोहली हा सातत्याने प्रयोग करत असतो. त्यामुळे कदाचित खेळाडूंना असुरक्षित वाटू शकते आणि त्यांच्या कामगिरीवर या गोष्टीचा परीणाम होऊ शकतो. त्यामुळे कोहलीने सातत्याने प्रयोग करू नयेत. त्याचबरोबर खेळाडूंमध्ये विश्वास निर्माण करायला हवा." लक्ष्मण पुढे म्हणाला की, " माझ्यामते कोहली हा मैदानात पूर्णपणे व्यस्त असतो. तो एवढा व्यस्त असतो की त्याच्या चेहऱ्यावर लगेच भाव दिसून येतात. विराट ज्यापद्धतीने मैदानात समर्पण करतो, ते मला सर्वात जास्त आवडते. कारण कायम मैदानात सजग असतो. फलंदाजी असो किंवा क्षेत्ररक्षण त्याचे लक्ष मैदानात सर्व ठिकाणी असते. माझ्यामते ही गोष्ट कोहलीकडून शिकायला हवी. कोहली मैदानात एक सकारात्मक वातावरण निर्माण करतो आणि त्याचा फायदा संघातील खेळाडूना होत असल्याचे पाहायला मिळते."
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2KzTSQc
No comments:
Post a Comment