Ads

Thursday, December 17, 2020

मुंबई क्रिकेट संघाच्या प्रशिक्षकांची आज झाली निवड, 'या' खेळाडूला दिली जबाबदारी

मुंबई : मुंबई क्रिकेट संघाच्या प्रशिक्षकपदी आज माजी क्रिकेटपटू अमित पागनीस यांची निवड करण्यात आली आहे. पागनीस आता ३१ मार्च २०२१ या कालावधीपर्यंत मुंबईच्या संघाची प्रशिक्षकपदाची धुरा सांभाळतील. मुंबईच्या क्रिकेट सुधारणा समितीने ही निवड आज जाहीर केली. प्रशिक्षकपदासाठी यावेळी क्रिकेट सुधारणा समितीने माजी प्रशिक्षक सुलक्षण कुलकर्णी यांची निवड केली होती. पण त्यांनी नकार दिल्यानंतर पागनीस यांची निवड करण्यात आली. तीन महिन्यांचा कालावधी हा पुरेसा नसल्याचे कारण यावेळी कुलकर्णी यांनी दिले. पागनीस यापूर्वी मुंबई आणि रेल्वे या दोन्ही संघांकडून खेळला आहे. अमितच्या नावावर ९५ प्रथम श्रेणी सामने असून यामध्ये १० शतकांसह त्याने ५८५१ धावा केल्या आहेत. १० जानेवारीपासून सय्यद मुश्ताक अली ट्वेन्टी-२० स्पर्धेला सुरुवात होणार आहे. पागनीस यांची ही मुंबईचा प्रशिक्षक म्हणून पहिली स्पर्धा असेल. त्यानंतर ३१ मार्चपर्यंतचा कालावधी त्याच्यासाठी असेल. पागनीस यांनी मुंबईच्या प्रशिक्षपदी निवड झाल्यानंतर सांगितले की, " माझ्यावर सोपवण्यात आलेली ही सर्वात मोठी जबाबदारी आहे आणि या पदाला न्याय देण्याचा मी पूर्णपणे प्रयत्न करेन. मुंबईच्या संघात बरेच नामांकित खेळाडू आहेत ज्यांनी आयपीएलही खेळले आहे. मी यापूर्वी मुंबईच्या काही ज्युनिअर संघांबरोबर प्रशिक्षकांचे काम केले आहे. या गोष्टीचा नक्कीच मला यावेळी फायदा होईल." भारताचा माजी वेगवान गोलंदाज सलिल अंकोलाची मुंबईच्या निवड समिती अध्यक्षपदी काल निवड करण्यात आली होती. अंकोला मुंबईकडून ५४ सामने खेळला आहे, या ५४ सामन्यांमध्ये १८१ विकेट्स अंकोलाच्या नावावर आहेत. त्याचबरोबर ४७ धावांमध्ये ६ विकेट्स ही त्याची सर्वोत्तम कामगिरी होती. अंकोला भारताकडून २० एकदिवसीय सामने खेळला होता. या २० सामन्यांमध्ये अंकोलाच्या नावावर १३ बळी होते. अंकोलाच्या अध्यक्षतेखालील निवड समितीमध्ये संजय पाटील, रवींद्र ठाकेर, जुल्फीकार पारकर आणि रवी कुलकर्णी यांचा समावेश करण्यात आला आहे. मुंबई क्रिकेट असोसिशनच्या क्रिकेट सुधार समितीमध्ये माजी क्रिकेटपटू लालचंद राजपूत, समीर दिघे आणि रवींद्र कुलकर्णी यांचा समावेश आहे. त्याचबरोबर येत्या काही दिवसांमध्ये मुंबई संघाच्या प्रशिक्षकाचीही घोषणा करण्यात येणार आहे.


from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3mv4jS4

No comments:

Post a Comment

BJP’s Rajya Sabha strength falls below 100; may rise soon

A month after touching the mark of 100 seats for the first time in Rajya Sabha, BJP’s numerical strength has come down to 95 as five of its ...